У новым падарожжы Юрый Жыгамонт накіраваўся ў вёску Раготна, якая знаходзіцца ў Дзятлаўскім раёне Гродзенскай вобласці. На працягу доўгага часу мястэчка было ўладаннем шляхцічаў Завішаў. Мінскі ваявода Крыштаф Завішаў у сваіх мемуарах 17 стагоддзя нават называе Раготна «Парыжам». Упершыню мястэчка ўзгадваецца ў 1454 годзе пад назвай маёнтак Раготнае. Існуюць звесткі, што ўжо ў той час тут знаходзіўся касцёл, які быў спалены ў 1654 годзе. Пісар Вялікага Княства Літоўскага, Андрэй Завіша, пабудаваў ў мястэчцы новы касцёл, які таксама быў знішчаны падчас ваенных дзеянняў. Сучасны касцёл Анёлаў-Ахоўнікаў быў пабудаваны ў 1840 годзе. У савецкі час быў ператвораны ў калгасны склад, і толькі ў 1989 годзе зноў быў аддадзены вернікам. У другой палове 17 стагоддзя Раготна належала Крыштафу Завішэ – ваяводзе мінскаму, якога вельмі паважала шляхта. Пасля сябе Крыштаф пакінуў мемуары пра палітыку і побыт Вялікага Княства Літоўскага. У сваіх успамінах ён некалькі разоў узгадвае Раготна, і нават называе яго Парыжам. Зусім нядаўна кніга «Успаміны Кшыштафа Завішы» была пераведзена беларускую мову. Апошняй гаспадыняй гэтага мястэчка была Ванда Ванцэвіч. Сёння ў вёсцы засталіся рэшткі панскіх пабудоў часу яе кіравання. Больш цікавага пра вёску Раготна вы даведаецеся ў выпуску. Са студзеня 2017 года праграма «Падарожжа дылетанта» ствараецца пры падтрымцы velcom і выходзіць на партале TUT.BY два разы на месяц. Таксама новыя выпускі можна ўбачыць на персанальнай старонцы Юрыя Жыгамонта ў сацыяльнай сетцы «Аднакласнікі». Зусім нядаўна на TUT.BY праходзіла галасаванне за новы вобраз Юрыя Жыгамонта. Для вядучага былі падабраныя два варыянты адзення. Па выніках галасавання перамогу атрымаў першы варыянт – з шэрым пінжаком і камізэлькай. У будучых выпусках гледачы ўбачаць Юрыя Жыгамонта ўжо ў адноўленым вобразе. А пакуль праграма адпраўляецца ў летні адпачынак. Подписывайтесь на наш канал: https://www.youtube.com/user/TUTBYtv?sub_confirmation=1 Читайте нас в: facebook https://www.facebook.com/tut.by twitter https://twitter.com/#!/tutby ВКонтакте http://vk.com/tutby Viber http://viber.com/Tut.by