Публічная лекцыя вядомага беларускага гісторыка мастацтва, культуролага, мастака Сяргея Харэўскага "Колькі шчыгулаў да разуменьня Менску", якая адбылася 28 кастрычніка 2011 года ў Гарадской мастацкай галерэі твораў Л. Шчамялёва. Частка 2-я. Глядзець частку 1-ю: http://www.youtube.com/watch?v=EyD04HwxzzE Гэта падзея распачала цыкл публічных лекцый "Urbi et Orbi" ("Гораду і Свету"), якія ладзіць Лятучы універсітэт (http://fly-uni.org) і якія скіраваныя на паглыбленне асэнсавання і абмеркавання важных для беларускай культуры і мастацтва тэм. У якасці запрошаных лектараў - вядомыя інтэлектуалы, мастакі, культурныя і грамадскія дзеячы, якія атрымоўваюць магчымасць данесці да шырокага кола людзей думкі, ідэі і праблемы, якім яны прасвячаюць сваё жыцце і дзейнасць. "Колькі шчыгулаў да разуменьня Менску"... Тэма лекцыі адсылае нас да аднаго з раздзелаў кнігі Сяргея Харэўскага "ПраМоўленае", выдадзенай у 2008 годзе, дзе аўтар выдатна вымалёўвае вобраз гораду. Але не толькі. Праз гістарычныя факты і падзеі, праз біяграфію вядомых асобаў, праз этымалогію гарадскіх тапонімаў, архітэктурныя асаблівасці і гісторыю ўзнікнення помнікаў культуры ствараецца своеасаблівая філасофія гараджаніна-мінчука. Разуменне гораду прыводзіць да разумення гарадскога асяроддзя як апірышча культуры, нашай адметнасці. Гэтае разуменне спрыяе разумнаму стаўленню да актуальных праблем прасторы нашага жыцця, да нашай ролі і месца ў развіцці ці дэградацыі гарадской культуры. Што засталося па-за друкаваным тэкстам? Як прагучаць разважанні лектара ў сенняшнім кантэксце? Якім будзе ўспрыняцце сенняшняга слухача? Запрашаем разам з Сяргеем Харэўскім паразважаць, а магчыма, і падыскутаваць пра гуманістычныя каштоўнасці, архітэктуру і мастацтва гарадской прасторы. Гл. усе публічныя лекцыі: http://www.youtube.com/playlist?list=PL280D25954059FB75