Лятучы універсітэт - гэта жывы, творчы працэсс паўстання месца і асяродка культывавання мыслення і фармавання нацыі. Ці можа ён быць створаны абсалютна штучна, па нейкім нават самым разумным праекце? Мы лічым што не, не можа. Яго можна зрабіць праз пастаянны пошук новых форм і фарматаў, праз рэфлексію і аналіз змяняючагася кантэксту. Гэта можа рабіць толькі супольнасць. Без універсітэцкай супольнасці можна зрабіць многае - пабудаваць будынак, арганізаваць навучальны працэс. Але нельга стварыць Універсітэт. Развіццё ўніверсітэту сканчаецца, калі ён перастае быть аб'ектам мыслення і дзейнасці супольнасці. Таму мы развіваем шэраг фарматаў рэфлексіі, абмеркавання і распрацоўкі новых ідэй, якія праграмуюць яго далейшае развіццё. Рэгулярны ўніверсітэцкі семінар. Быў распачаты ў 2009 годзе цыклам лекцый Уладзіміра Мацкевіча "Культурная палітыка і ідэя Універсітэта", дзе ўпершыню фармуляваліся асноўныя ідэі, якія сталі падмуркам Лятучага ўніверсітэта. У наступныя гады семінар стаў месцам абмеркавання думак і прапаноў, звязаных з развіццём і паўстаннем універсітэта. Семінар звычайна адбываецца па аўторках (праз тыдзень). Штогадовыя летнія школы Лятучага ўніверсітэта. Асноўная мэта летніх школ - камунікацыя паміж актыўнымі ўдзельнікамі супольнасці, рефлексія і абмеркаванне вынікаў працы, а таксама фармуляваннне асноўных задач і перспектыў дзейнасці, праграмаванне наступнага кроку ў развіцці. Школы праводзяцца ў ліпені. Арганізацыйна-дзейнасныя гульні. Адмысловая форма арганізацыі мыслення і дзейнасці, якая практыкуецца паслядоўнікамі сістэма-мыследзенаснага падыходу для вырашэння "нявырашальных" праблем грамацтва. Гэты метад і форма выкарыстоўваецца ў Лятучым ўніверсітэце для канцэнтраванай працы над праблемамі арганізацыі універсітэта. Самаарганізацыя і самакіраванне Лятучага ўніверсітэта фармуюцца праз паступовае развіццё Рады Лятучага ўніверсітэта і іныцыятвы стварэння Струдэнцкай рады. За абвесткамі аб гэтых падзеях можна сачыць на сайце Лятучага ўніверсітэта http://fly-uni.org. Гл. увесь семінарскі сезон 2012-2013: http://www.youtube.com/playlist?list=PLBAnu4YEjPOICl-ep8HGx_B2u95CnohMe Гл. семінарскі сезон 2011-2012: http://www.youtube.com/playlist?list=PL74B2E0E1A621DBEE