Прэзентацыя цыклу публічных лекцый і дыскусій Лятучага ўніверсітэта, якая адбылася 8 верасня 2012 года падчас агульнай прэзентацыі праграмы ЛУ на 2012-13 год. "Urbi et Orbi" ("Гораду і Свету") - фраза, якая калісьці адкрывала Рымскія абвяшчэння, а затым стала назвай Папскага блаславення. Публічныя лекцыі "Urbi et Orbi" - гэта форма публічнага і грамадскі значнага выказвання, якое прэтэндуе на тое, каб станавіцца арыенцірам у грамадскім і індывідуальным жыцці. У сучасным свеце перапоўненым інфармацыяй, ідэалогіямі, ведамі і меркаваннямі здаецца, што ўжо амаль не засталося месца для такіх форм. Але яны здаюцца яшчэ больш запатрабаваныя там, дзе не дастае аўтарытэтаў нацыянальнага маштабу, не вырашаны і нават не пастаўлены многія праблемы развіцця краіны: яе культуры, гісторыі, грамадскага жыцця. Немагчыма ўявіць сапраўдную ўніверсітэцкую адукацыю і ўніверсітэцкае жыццё без уключэння ў абмеркаванне значных для краіны тэм, без удзелу ў фармаванні аўтарытэтаў і арыентацыі на іх. У гэтым годзе ў выступоўцы запрошаны: Сяргей Дубавец, Алесь Разанаў, Ігар Духан, Адам Мальдзіс і інш.. Лекцыі будут праходзіць раз на мясяц з анлайн-трансляцыяй. Апроч публічных лекцый плануюцца рэгулярныя публічныя дыскусіі. Гэта месца для абмеркавання найбольш вострых пытанняў у развіцці краіны. Месца для сутыкнення пазіцый і поглядаў, для разгортвання аргументацыі і крытыкі, для вылучэння і прасоўвання ідэй. Да дыскусій будуць далучацца не толькі мысляры і інтэлектуалы, але і тыя суб'екты ды актары, якія реалізуюць практычныя культурныя і грамадскія справы і праграмы. За абвесткамі аб лекцыях і дыскусіях можна сачыць на сайце Лятучага ўніверсітэта http://fly-uni.org. Гл. усе публічныя лекцыі: http://www.youtube.com/playlist?list=PL280D25954059FB75