Прэзентацыя Школы "Аналіз палітычных інстытутаў", якая адбылася 8 верасня 2012 года падчас агульнай прэзентацыі праграмы Лятучага ўніверсітэта на 2012-13 год. Школу будзе весці Андрэй Казакевіч - палітолаг, доктар палітычных навук (PhD in Political Science), дырэктар Інстытута палітычных даследаванняў "Палітычная сфера" і галоўны рэдактар часопіса "Палітычная сфера". Школа накіравана на засваенне асноўных прынцыпаў і падыходаў аналізу палітычных інстытутаў. Прадугледжана адначасовае спалучэнне наступных элементаў: 1) Крытычны разбор паказальных прыкладаў інстытуцыйнага даследавання палітыкі. 2) Індывідуальная практыка па даследаванню асобных палітычных інстытутаў: вызначэнне праблемы, параметраў аналізу, стратэгіі збору і апрацоўкі дадзеных. 3) Падрабязны разбор праблемы пазіцыянавання і інтэрпрэтацыі дадзеных ў залежнасці ад мэтаў даследавання, аўдыторыі і г.д. 4) Дадаткам да даследчых практык выступае разгляд асноўных тэарэтычных схем тлумачэння палітыкі, а таксама разбор найбольш значных эпізодаў з гісторыі палітычнай навукі ХІХ-ХХ стагоддзя. У праграме школы плануецца напачатку разгляд пракладаў інстытуцыйнага аналізу палітыкі, а затым выбар асобны палітычных інстытутаў для аналізу: вызначэнне параметраў аналізу, збор і апрацоўка дадзеных, разгляд розных стратэгій інтэрпрэтацыі дадзеных. Больш інфармацыі на сайце Лятучага ўніверсітэта: http://fly-uni.org.