Ірына Дубянецкая - бібліст, багаслоў і філосаф, доктар сакральнай тэалогіі (Sacrae Theologiae Doctor) і доктар філасофіі (PhD). У Лятучым Ірына Дубянецкая супольна з калегамі чытае курс Ідэя ўніверсітэта. Уводзіны ва ўніверсітэцкую прастору і лад жыцця, вядзе Школу Бібліі, а таксама Майстроўню біблійнага перакладу. Напачатку ўніверсітэцкага года Лятучы прапануе цыкл адкрытых лекцый з агульнай назвай “Галоўнае пытанне”, у якім сябры калегіума Лятучага ўніверсітэта прадставяць свае роздумы і адказы на пытанні, якія яны зважаюць на найбольш важныя сёння. У прапанаваных дзевяці адкрытых лекцыях прамоўцы прадставяць самыя розныя сацыяльныя, гуманітарныя і культурныя праблемы, але ўсе яны аб’яднадыя тым, што з’яўляюцца кропкай прыцягнення інтэлектуальных высілкаў. Слухачы будуць мець магчымасць больш блізка пазнаеміцца з выкладчыкамі, якія цягам году прапануюць свае курсы, школы і семінары, а таксама далучыцца да пошуку адказаў на паднятыя пытанні.