Міхаіл Баярын Курс лекцый "Узоры Свадзеі" прысьвечаны ўводзінам у аўтарскую тэорыю канструктыўнай лінгвістыкі, вядомай таксама пад імем Актыка. Курс складаецца зь сямі частак: 1. тэорыя сэнсавай прамовы, 2. тэорыя сэнсаўтварэньня, 3. тэорыя ўспрыманьня, 4. тэорыя мовы, 5. тэорыя сымбалізму, 6. тэорыя працэсаў, 7. тэорыя арганізму. Цягам курсу пасьлядоўна адбываецца ўтварэньне асаблівай сымбалічнай мэтамовы сэнсаўтварэньня. Тэрміналогія Ўзораў Свадзеі засноўваецца на свамове, ідэале чыстай беларускай мовы са свабодным словаўтварэньнем, здольнай даваць імёны новым рэчаіснасьцям. З гледзішча Ўзораў Свадзеі сэнс - гэта вытвор і прырода актыўнай сьвядомасьці, а не адлюстраваньне зьнешніх рэчаў. Як канстрктыўная тэорыя, "Узоры Свадзеі"адказваюць не на пытаньні "Што такое сэнс?" ці "Што такое мова?", але "Як стварыць сэнс?", "Як стварыць успрыманьне?"і "Як стварыць мову?". Курс прапануецца ўсім, хто зацікаўлены пытаньнямі, як утвараецца сэнс і як узьнікае мова.