V Летняя школа Лятучага ўніверсітэта: "Ідэя, тэхналогія і супольнасць: пошукі сучаснага ўніверсітэта" (Каптаруны, 2-5 ліпеня 2015 года). Адкрытая кафедра. Прэзентацыя Алега Дзярновіча: "Школа ВКЛ" Новы фармат адукацыйнай праграмы Лятучага ўніверсітэта. Тэзісы даклада: Новыя выклікі — Новая Школа. Новы сезон Школы ВКЛ пабудаваны з улікам асэнсавання першага года працы і патрэбы мадэрнізацыі ўсяго Лятучага ўніверсітэта. У рамках Школы ВКЛ прадугледжваецца стварэнне двухузроўневай сістэмы: 1) для прафесійных гісторыкаў (семінар па метадалогіі гісторыі); 2) для ахвотных набыць прафесійныя веды і навыкі ў гістарычным рамястве. Гэта адыход ад чыста асветніцкага фармата. Але шырокая трыбуна таксама захоўваецца ў выглядзе асобных лекцый, якія будуць прысвечаны асэнсаванню найважнейшых праблем, па якім у Школе ВКЛ чытаюцца курсы. Падрабязнасці — падчас прэзентацыі. Усё відэа з Летніка гл. тут: https://www.youtube.com/playlist?list=PLBAnu4YEjPOIV3tw9inBmAov5zGWIPXcB