Падпісвайцеся на наш сайт, саціяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby Вязынка – вельмі цікавае месца, якое знаходзіцца непадалёку ад беларускай сталіцы. Гэтая вёска ў першую чаргу знакамітая тым, што 7-га ліпеня (альбо 25 чэрвеня па старым стылі) 1882-га года тут нарадзіўся чалавек, які ў першай палове ХХ-га стагоддзя здолеў сваёй творчасцю ўзняць беларускую культуру да нябачных дагэтуль вышыняў. Яго імя Іван Дамінікавіч Луцэвіч, але ў жыцці меў ён далёка не адзін творчы псеўданім: Вайдэлота, Марка Бяздольны, Стары Мінчук, Янук з-пад Мінска і канешне ж Янка Купала. І сёння мы завітаем у сядзібу-музей славутага паэта, прыгадаем гісторыю яго рода і колькі цікавых момантаў з яго біяграфіі, а таксама паразмаўляем пра этымалогію назвы Вязынка, яе даўнюю гісторыю ды іншыя незвычайныя факты, звязаныя з гэтымі мясцінамі. Вязынка размешчана проста ідэальна для турыста – акурат пасярэдзіне шляхоў, што вядуць з Мінска ў Маладзечна. Прычым непадалёку праходзіць як зручная аўтамабільная траса, так і чыгунка з досыць шчыльным раскладам электрацягнікоў. Увогуле лагістычная прыцягальнасць гэтых мясцін – своеасаблівы брэнд, які існуе ўжо шмат стагоддзяў. Вязынка фактычна знаходзіцца на водападзеле басейнаў Балтыйскага ды Чорнага мораў, таму з даўніх часоў па мясцовых рэках плавалі купцы на сваіх караблях таму сяліцца тут было выгадна, але разам з тым сустракаліся і ўзброеныя шукальнікі прыгодаў ды чужой маёмасці, таму даводзілася прымаць меры, каб арганізаваць бяспеку свайго жытла. Так што згодна з дадзенымі археолагаў ужо ў 4-5 стагоддзях нашай эры тут знаходзілася ўмацаванае гарадзішча. На ім жылі прадстаўнікі культуры штрыхаванай керамікі, якіх прынята адносіць да балцкіх народаў. Дарэчы, літаральна ў некалькіх кіламетрах на поўнач ад Вязынкі, на беразе гэтай жа самай ракі знаходзіцца горад Радашковічы, у якім у той жа самы час знаходзілася падобнае гарадзішча. Пару месяцаў назад мы туды ўжо наведваліся. І справаздачу з нашай радашковіцкай вандроўкі вы можаце паглядзець тут. Ну а што датычыцца паходжання назвы Вязынка, то на гэты конт існуе два асноўныя меркаванні. Ёсць версія, што жыхары гэтай мясцовасці звязвалі бярвенні ў вялікія плыты, якія потым і сплаўлялі па рацэ. Вось, ад дзеяслова “вязаць” і пайшла гэтая назва. Другая ж версія прысвечаная такому віду дрэваў, як вязы, якіх быццам бы тут калісьці расло вельмі шмат.У 16-ым стагоддзі Вязынка трывала абаснавалася на геаграфічнай карце беларускіх земляў. Першыя пісьмовыя згадкі пра яе датыруюцца 1528-ым годам. Асаблівым мегаполісам гэты населены пункт не быў ніколі. Гэта быў фальварак, якім валодалі спачатку шляхцічы Пшаздзецкія, а потым ён перайшоў да рода Замбржыцкіх. Дарэчы, менавіта Станіслаў Замбржыцкі і зрабіў першае апісанне мясцовых археалагічных помнікаў. Ён жа напрыканцы 19-га стагоддзя і здаў у арэнду частку сваёй зямлі Дамініку Луцэвічу – бацьку Янкі Купалы. Луцэвічы адносіліся да збяднелай шляхты і мелі герб “Навіна”. Іх род быў вядомы яшчэ з 17-га стагоддзя. Нейкі час Ануфрый Луцэвіч – дзед паэта арандаваў маёнтак непадалёку ад Ігумена (сучасны Чэрвень) ў князёў Радзівілаў. Але ў адзін момант нешта пайшло не так, і Радзівілы яго прагналі са сваёй зямлі. Няшчасці працягнуліся, і падчас праверкі правоў на шляхецтва, Ануфрый не змог іх даказаць. З таго часу і давялося яго сям’і пайсці ў арандатары і блукаць па беларускай зямлі ў пошуках лепшай долі. Гэтыя падзеі пазней сталі асновай для сюжэта п’есы Янкі купалы “Раскіданае Гняздо” Ну а 25 чэрвеня альбо па новым стылі 7-га ліпеня 1882-га года тут і нарадзіўся Іван Дамінікавіч Луцэвіч. Па традыцыйным каляндары нарадзіўся ён на Купалле, таму псеўданім Янка Купала пазней быў абраны няпроста так. У Вязынцы будучы народны паэт Беларусі пражыў усяго толькі першы год свайго жыцця. Пасля яго сям’я была вымушана далей шукаць лепшая долі. Але менавіта тут яго жонка – Уладзіслава Францаўна заснавала дом-музей, які быў адчынены ў 1948-ым годзе – праз 5 гадоў пасля загадкавай смерці паэта ў Маскве. Славутыя беларусы: Янка Купала. Музей-сядзіба Янкі Купалы. Вязынка | Гісторыя без межаў. Добры канал — — — Канал "Карані і вытокі" – это проект Добрага канала из Минска. Добры канал – это площадка, которая объединяет независимых авторов и их помощников, ценящих честную журналистику и желающих внести свой вклад в будущее нашей страны. - В подготовке видео использовались: 🔶 композиции Сергея Бутовского: “фон Средний” и “By The River” 🔶 герб Навіна - CC BY 3.0 — https://be.wikipedia.org/wiki/%D0%9D%D0%B0%D0%B2%D1%96%D0%BD%D0%B0_(%D0%B3%D0%B5%D1%80%D0%B1)#/media/%D0%A4%D0%B0%D0%B9%D0%BB:POL_COA_Nowina.svg -- #ДобрыКанал #Караніівытокі #ЛявонКазакоў #ГісторыяБезМежаў #займальнаягісторыя #вязынка #янкакупала #гісторыябеларусі #беларусь