Ці ёсць фэнтэзі ў Беларусі? Ёсць! І гэта фэнтэзі Яна Баршчэўскага, беларускага пісьменніка, аднаго з пачынальнікаў новай беларускай літаратуры. Паводле свайго містычнага настрою і міфалагічнасці апавяданні Яна Баршчэўскага стаяць у адным шэрагу з творамі Мікалая Гогаля, Дантэ Аліг’еры, Томаса Мана, Джона Р. Толкіна.. Добры канал пачынае серыю публікацый "Ян Баршчэўскі на Ютуб" з апавяданнямі са зборніка Яна Баршчэўскага “Шляхціц Завальня, або Беларусь у фантастычных апавяданнях”. І сёння усімі любімы з дзяцінства Алесь Ждановіч раскажа першае апавяданне – “Пра чарнакніжніка і цмока, што вылупіўся з яйка, знесенага пеўнем” у цудоўным аздабленні ілюстрацый, зробленых у тэхніцы пескаграфіі. З’явіўся ў адным маёнтку чарнакніжнік, які вучыў пана і ягонага лёкая Карпу рабіць золата і іншыя д’ябальскія штукі. Няраз бачылі, як акурат апоўначы над дахам панскіх пакояў снавалі кажаны і нейкія чорныя птушкі. У вёсцы жыла Агапка. Пекная была дзяўчына. Падабалася яна Карпу. Ідзе ён да пана, каб загадаў Агапцы ісці замуж за яго. Пан пагадзіўся, але закамандваў Карпу спачатку забагацець. Той - да Парамона, найстрашнейшага чараўніка, просіць, каб дапамог. Парамон даў яму нейкія зярняткі: - Накармі чорнага пеўня гэтым зернем, і ён праз колькі дзён знясе яйка. Вылупіцца з яго маленькая яшчарачка. А потым ператворыцца ў крылатага цмока. Ён будзе выконваць усе твае загады. Хутка Карпа стаў багатыром. І Агапку аддалі яму за жонку. Пасля вяселля, калі Карпы дома не было, пачаў з’яўляцца ў пакоях страшны незнаёмец. Агапка дранцвела ад страху, ледзь руку магла падняць, каб перажагнацца. І пасля гэтага прывід умомант знікаў. Казалі, што гэта цмок палохаў Агапку, прыходзячы ў розных абліччах. А аднаго разу ўсё хатняе начынне пачало лятаць з кута ў кут. З вокнаў ляцелі камяні рознай велічыні. Прыехаў ксёндз, учыніў святы абрад - імгненна ўвесь дом ахапіла полымя, і хутка будынак рухнуў. Карпа невядома дзе падзеўся пасля таго страшнага пажару. Прайшоў час - і на беразе возера знайшлі ягоны труп. Парамон памёр без споведзі, і магіла яго ў полі без крыжа. Агапка ад спалоху ўвесь час хварэла і згасла, як свечка. Вось такая гісторыя. З нячысцікам дамовы ладзіць нельга. --- Беларуская літаратура, Ян Баршчэўскі. Шляхціц Завальня на Ютуб у відэа: "Шляхціц Завальня Пра чарнакніжніка і пра цмока | Ян Баршчэўскі на Ютуб. Карані і вытокі. Добры канал". Глядзім яго на роднай мове, па-беларуску. Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- #ДобрыКанал #КаранііВытокі #БеларусьуФантастычныхАпавяданнях #ШляхціцЗавальня #шляхціцзавальня #беларускаямова #роднаямова #вучыммову #пабеларуску