Ці ёсць фэнтэзі ў Беларусі? Ёсць! І гэта фэнтэзі Яна Баршчэўскага, беларускага пісьменніка, аднаго з пачынальнікаў новай беларускай літаратуры. Паводле свайго містычнага настрою і міфалагічнасці апавяданні Яна Баршчэўскага стаяць у адным шэрагу з творамі Мікалая Гогаля, Дантэ Аліг’еры, Томаса Мана, Джона Р. Толкіна. Любімы з дзяцінства Алесь Ждановіч расказвае аповед Яна Баршчэўскага “Зухаватыя ўчынкі”- са зборніка “Шляхціц Завальня, або Беларусь у фантастычных апавяданнях”. Ілюстрацыі ў тэхніцы пескаграфіі - мастачкі Ганны Каштальян. “Завітвайце, завітвайце да нашага агню!” - мусіць, так пан Завальня запрашаў падарожных у свой маёнтак. Частаваў багата, начлег даваў. А замест платы чакаў ад іх загадкавыя гісторыі даўніны глыбокай. І вось што расказаў адзін з такіх гасцей... Жыў у адной вёсцы селянін Антон. Меў ён добрую гаспадарку, а што быў бяздзетны, дык узяў дзіця невядома ад якіх бацькоў. Яго ахрысцілі і далі імя Васіль. Быў той хлопец вялікі гультай і свавольнік. Але Антон любіў яго, патураў ва ўсім, і той рабіўся ўсё горшы і задзірлівейшы. Сабраліся аднаго разу на паншчыну. Ажно раптам - Лясун выйшаў з бору! Зухаваты Васіль падхапіў камень і кінуў у яго. Лясун закрычаў страшным голасам і знік. А Васіль смяяўся да слёз. Другі выпадак быў яшчэ страшнейшы. Ідзе накшталт слупа віхор па полі. Васіль працягвае яму руку, а з клубоў пылу падае яму нехта чорную, як вугаль, руку. Зразумелі ўсе, што Васіль запанібрата з духам праклятым. Васіль сам сабе нагледзеў нявесту - Арыніну дачку Алюту. Казалі, што яны абедзьве былі чараўніцамі. Антон вельмі засмуціўся і прыгразіў пазбавіць Васіля спадчыны. А той тады вырашыў шукаць шатанскія скарбы. Пайшоў да праклятага месца – Цмокавага Каменя. Але яму ў той раз перашкодзіў кум Антона – Марцін. Пабраліся ўсё ж Васіль з Алютаю. Але на сваёй гаспадарцы Васіль быў надта ж нешчаслівы. Страчала яго адна бяда за другою. Вяскоўцы казалі, што гэта помсціў Васілю Лясун. Тады хлопец зноў пайшоў на пагорак да Цмокавага Каменя. І адтуль ужо не вярнуўся. Вось такое апавяданне расказаў пану Завальні адзін падарожны. Верыць ці не - вырашаць нам самім. Адно без сумневу – ад злога не будзе дабра. --- Беларуская літаратура, Ян Баршчэўскі. Шляхціц Завальня на Ютуб у відэа: "Шляхціц Завальня Зухаватыя Ўчынкі. Ян Баршчэўскі на Ютуб — Карані і вытокі. Добры канал". Глядзім яго на роднай мове, па-беларуску. Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- #ДобрыКанал #КаранііВытокі #БеларусьуФантастычныхАпавяданнях #ШляхціцЗавальня #шляхціцзавальня #беларускаямова #роднаямова #вучыммову #пабеларуску