Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby Сёння мы завяршаем нашае жнівеньскае падарожжа па Нарачанскім краі. Прысвяцім апошні сюжэт падзее, якая адбылася ў Нарачанскім краі каля 100 г. таму. З-за яе назва Нарач доўгі час не зыходзіла са старонак самых буйных сусветных таблоідаў. Гэта Першая сусветная вайна – Нарачанскі прарыў у сакавіку 1916 г. Пройдземся па тых месцах, якія сталі сведкамі тых жорсткіх баёў, пагаворым увогуле пра Першую Сусветную, чым яна стала для беларускага народа, наведаем адзін з ключавых пунктаў нямецкай лініі абароны тых часоў – легендарную вышыню нумар 217. “Забілі, значыць, Фердынанда-та нашага” – менавіта з гэтых словаў пачынаецца геніяльная кніга славутага чэшскага пісьменніка Яраслава Гашэка, прысвечаная прыгодам бравага салдата Швейка на франтах Першай сусветнай вайны. Ды і напраўдзе ўсё так і было – выстрал сербскага студэнта Гаўрылы Прынцыпа ў горадзе Сараева стаў фатальным не толькі для аўстрыйскага эрцгерцага, але і для ўсёй старой Еўропы. Таму найлепшым сімвалам гэтай вайны можа стаць вось такі шэраг магілаў як на гэтых нямецкіх могілках, што знаходзяцца ў гарадскім пасёлку Нарач, у той яго частцы, што калісьці мела назву вёска Кабыльнік. Ён быў пастаўлены ў ліпені 1916-га года, і быў прысвечаны жаўнерам 21-га нямецкага армейскага корпуса, якія загінулі падчас Нарачанскай аперацыі. А пачыналася ўсё ў Францыі. 21-га лютага 1916 г. немцы нечакана распачалі наступленне пад Вердэнам. На адносна невялікім участку фронта было сканцэнтравана каля 2-ух з паловай мільёнаў чалавек з абодвух бакоў. Калі б немцы здолелі праламіць іх абарону, то яны б мелі ўсе магчымасці каб захапіць Парыж. У склаўшайся цяжкай сітуацыі французскае камандаванне звярнулася да ўраду Расійскай імперыі з просьбай неадкладна правесці наступленне на Ўсходнім фронце, каб адцягнуць увагу немцаў ад Вердэна. Расія пагадзілася, і месцам для наступлення быў абраны раён Нарачы, а часам – 18 сакавіка. Наступленне было не падрыхтаванае. Войскі планавалі атаку нямецкіх умацаванняў у маі 1916 г. паралельна з астатнімі саюзнікамі. Але загад быў аддадзены, таму войскі перайшлі ў атаку. Немцы ж у раёне Нарачы абаснаваліся трывала – пабудавалі тры асноўных лініі абароны, шчыльна ўмацаваныя калючым дротам і сапраўдным павуціннем з траншэяў ды іншых умацаванняў. Таму нават перавага войскаў Расійскай імперыі ў колькасці салдат ды артылерыі не магла асабліва дапамагчы. Асноўная барацьба вялася за вышыні, пануючыя над мясцовасцю. Адна з іх знаходзілася непадалёку вёскі Занарач і мела назву “Фердынандаў Нос" (у гонар балгарскага цара Фердынанда). Ну а мы знаходзімся на так званай вышыні нумар 217 каля вёскі Пасынкі – важнейшага стратэгтчнага пункта, з якога адчыняўся выдатны агляд ажно на тры возеры – Нарач, возера Мядзел і возера Мястра. Нарачанская аперацыя расійскай арміі была кепска спланіраваная, таму ўсё скончылася вялізнымі чалавечымі стратамі. Так, за 12 дзён Нарачанскай аперацыі загінула каля 80000 чалавек з расійскага боку. З нямецкага страты былі прыблізна ўдвая меньшыя. Але, Нарачанская аперацыя была паспяховай, бо яе пачатак прымусіў нямецкае камандаванне накіраваць у гэты раён 4 дадатковыя дывізіі, а таксама часова спыніць наступленне пад Вердэнам. А французы паспелі сцягнуць пад Вердэн падмацаванні, уратаваць сітуацыю, і, ў выніку Францыя засталася ў вайне. Але гэта было дасягнута коштам каласальных стратаў пад Нараччу. Вось такая атрымалася крыху сумнаватая гісторыя, прысвечаная на першы погляд невялікаму эпізоду з Першай сусветнай вайны, але які ісотна паўплываў н яе вынік. А да таго ж не трэба забывацца, што Нарачанскі край – не толькі папулярнае месца адпачынку, але яшчэ і месца памяці, якое і дагэтуль хавае ў сваіх нетрах маўклівых сведкаў крывавых падзей мінуўшчыны. --- ❗️ У відэа выкарыстоўваліся кампазіцыі С. Бутоўскага: 🔶 фон Средний 🔶 Mountain Village 🔶 Legends That Stones Can Tell 🔶 March of the Infantry — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- Нарачанскія вандроўкі: Першая сусветная вайна – Нарачанскі прарыў у сакавіку 1916, вышыня № 217 | Лявон Казакоў на канале Карані і вытокі — Добры канал #ДобрыКанал #Караніівытокі #ЛявонКазакоў #ГісторыяБезМежаў #займальнаягісторыя #нарачанскікрай #нарачанскіявандроўкі #гісторыябеларусі #беларусь