Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby Гэта Моўныя скарбы на Ладным перакладзе, дзе мы мяняем рускія ўстойлівыя выразы на нашы родныя, найлепшыя ды знаёмім вас, якія бываюць беларускія прымаўкі і беларускія прыказкі! Таксама, на нашым канале, мы вучымся думаць па-беларуску і слухаем, як цудоўна гучыць наша родная беларуская мова. А тэма ў нас сёння - актуальная ва ўсе часы. ПРА ХЛУСАЎ. Адных толькі дзеясловаў са значэннем “казаць няпраўду” вунь колькі: хлусіць, ілгаць, маніць, брахаць, малоць, лухціць, плесці, несці, вярзці, плявузгаць, дрындычаць, званіць, трылузіць, труліць… А фразеалагізмаў і пагатоў болей! Па-руску кажуць: Пороть (нести) ахинею (вздор, ерунду, галиматью). А ў нас: 🔸 Грушы на вярбе трэсці. 🔸 Казу лабатую плесці. 🔸 Рабой кабыле сон расказваць. 🔸 Лухту вярзці. 🔸 Лухту непадсяваную лухціць. І гэта яшчэ далёка ўсё! Цяпер – пра саміх хлусаў. Ох, як іх шквараць ды чэшуць! 🔸 Хлусіць не падсяваючы. 🔸 Брэша, што сліна да губы прынясе. 🔸 Гарох з капустаю мяшаць. 🔸 Брэша як лён чэша. 🔸 Так маніць, што не пралезеш. 🔸 Брэша, як сабака на Месяц. Карацей, бяздонны вір! Аднак жа добрая байка нікому не пашкодзіць. Як там у нас? — Нялюба – не слухай, а брахаць не замінай. Пакуль усё. А вы далучайцеся, спадарства! На якія моўныя скарбы вашы краі багатыя? Перакладаем правільна. Ладнага ўсім перакладу! Ваша Воля))) — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. ПРА ХЛУСАЎ: Нялюба – не слухай, а брахаць не замінай 😂 | Моўныя скарбы: Беларускія прымаўкі | Ладны пераклад — Карані і вытокі, Добры канал #ДобрыКанал #КаранііВытокі #ЛадныПераклад #мова #роднаямова #беларускаямова #вучыммову #думаемпабеларуску #пабеларуску #беларусь