Гэта Ладны пераклад, дзе мы мяняем рускія ўстойлівыя выразы на нашы родныя, найлепшыя ды знаёмім вас, якія бываюць беларускія прымаўкі ды прыказкі! Таксама, на нашым канале, мы вучымся думаць па беларуску і слухаем, як цудоўна гучыць наша родная беларуская мова. У “Ладным перакладзе” - моўны дэтэктыў! Ёсць такія слоўцы і выразы, якія толькі ў пэўным рэгіёне ці нават адной вёсцы разумеюць. А астатнім тлумачыць трэба, што да чаго. Узгадаўся адзін такі, знаёмы з дзяцінства – з вёскі Зажэвічы, што на Случчыне, мінскай вобласці. Калі нехта памыляўся ці хібіў у нечым, з яго кпілі: “Тумкайла! Пута ты Неваложске!” Менавіта так, на польскі манер прамаўлялі. З “тумкайлам” больш-меньш зразумела. Слова з таго ж шэрагу, што і “ёлупень”, “бамбіза” ці “афэлак”… І з путам таксама ніякіх пытанняў. А вось чаму яно “Неваложске”?.. Яўна ад нейкага тапоніма прыметнічак. Пошук у інтэрнеце – і сапраўды! Невалож - вёска ў Любанскім раёне. І зусім блізка ад Зажэвічаў. У выраза аказаліся геаграфічныя каардынаты. А гэта значыць што?.. - Што і свая гісторыя таксама ёсць! Праўда, нават мясцовыя старажылы яе не ўзгадалі… Выраз памятаюць, а з-за чаго з’явіўся – не! Але ж вось пра што змеркавала Валянціна Пархімовіч – вельмі захоплены гісторыяй свайго краю чалавек. Невалож здавён стаіць зусім побач з вёскай Смольгава, дзе раней была сядзіба шляхетнага роду Кандратовічаў. Самы вядомы прадстаўнік яго – Уладзіслаў Сыракомля. Але не пра яго зараз. А пра “пута Неваложске”. Дык вось. А ў Неваложы, аказваецца, жыў просты люд – працавалі на шляхту. А як мужык раней не самы адукаваны быў, то і маглі на яго паны лаяцца: “Пута ты Неваложске!” Дарэчы, яшчэ і прыказка мясцовая ёсць: “Узяў жонку з Неваложа і тая нягожа”. А можа, і не так усё было. Можа, проста жыў калісь у Неваложы чалавек, які з ахвотай браўся дапамагаць у справах, але ж толькі ўсё блытаў ды замінаў. Не са злосці. Проста блазнаваты які быў. І нечым так аднойчы праславіўся, што стаў персанажам мясцовых жартаў. Вось такая амаль дэтэктыўная моўная гісторыя атрымалася. А ў вашай мясцовасці свае адметныя выразы ёсць? Як яны ўзніклі, ведаеце? Тады дзяліцеся! Будзем разам шукаць моўныя скарбы. Ладнага ўсім перакладу! Ваша Воля )) --- Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. Пута ты Неваложске! Беларускія прымаўкі ды прыказкі | Моўны дэтэктыў — Ладны пераклад. Канал Карані і вытокі, Добры канал #ДобрыКанал #КаранііВытокі #ЛадныПераклад #моўны дэтэктыў #моўныя скарбы #пабеларуску #мова #роднаямова #беларускаямова #вучыммову #думаемпабеларуску