Ці ёсць фэнтэзі ў Беларусі? Ёсць! І гэта фэнтэзі Яна Баршчэўскага, беларускага пісьменніка, аднаго з пачынальнікаў новай беларускай літаратуры. Паводле свайго містычнага настрою і міфалагічнасці апавяданні Яна Баршчэўскага стаяць у адным шэрагу з творамі Мікалая Гогаля, Дантэ Аліг’еры, Томаса Мана, Джона Р. Толкіна. Працягваем расказваць гісторыі мінуўшчыны. Нагадаем, што галоўны расказчык у нас - Ян Баршчэйскі. І ў гэтым выпуску – фантастычны аповед “Ваўкалак” са зборніка “Шляхціц Завальня, або Беларусь у фантастычных апавяданнях”. У адной мясцовасці, недалёка ад горада Невеля, жыў малады селянін Марка. Пакахаў ён Алёну. Гожая была дзяўчына. Хацеў яе за жонку ўзяць і Ілля, панскі лёкай. Вось пан і загадаў, каб ішла за Іллю. Раззлаваны Марка пачаў абражаць лёкая. А той паабяцаў помсціць, як толькі выпадзе нагода. Вяселле было шумнае. Ілля прыкмеціў Марку сярод гасцей, глянуў са здзеклівай усмешкаю. Праз нейкі час падыходзіць да Маркі дудар Арцём і кажа: — Чаго сумуеш? Выпі са мною гарэлкі. Тая гарэлка была зачараваная. І вельмі хутка Марка ператварыўся ў ваўкалака. Розум у яго быў чалавечы, а выгляд – воўчы. Блукаў па гарах і лясах у абліччы страшнага звера шмат гадоў. Пакутаваў люта. Аднаго разу краўся ён ўзлескам да вёскі, дзе жыў Арцём – той самы дудар, што апаіў зачараваным напоем. Бачыць: маленькая дачка ягоная, Ганка, пасе гусі. Запалаў гнеў помсты, схапіў Марка дзяўчынку і аднёс ў гушчар. Там і кінуў. Дзяўчынка не загінула, але ж трапіла да чараўніцы Аксінні. І таксама зрабілася пярэваратнем: днём была коткай і толькі ўначы станавілася чалавекам. Помста не дапамагала згасіць пакуты Маркі. Рабілася толькі горш. Аднойчы, схаваўшыся ў зарасніку ля поля, пачуў ён словы ксяндза, што помста вядзе толькі да гібелі. Трэба выракацца яе і рабіць адно дабро. З таго дня Марка-ваўкалак пачаў дапамагаць людзям, чым мог. Вартаваў скаціну, каб дзікія звяры яе не хапалі. А потым здарылася тое, што перавярнула жыццё няшчаснага. Ён адбіў у ваўка і ўратаваў маленькага сына сваёй каханай – Алёны. І ўжо наступным ранкам вярнулася да Маркі чалавечае аблічча. Шчасліва скончылася гэтая гісторыя. І ёсць пра што падумаць. Жахлівы лёс чалавека можа зраўняцца са звярыным. Але ж толькі ён сам здольны змяніць сваё жыццё. --- Беларуская літаратура, Ян Баршчэўскі. Шляхціц Завальня на Ютуб у відэа: "Шляхціц Завальня Ваўкалак. Ян Баршчэўскі на Ютуб — Карані і вытокі. Добры канал. Казкі для дарослых". Глядзім яго на роднай мове, па-беларуску. Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby --- ❗️ У відэа выкарыстоўвалася: 🔶 Ілюстрацыі ў тэхніцы пескаграфіі - мастачка Ганна Каштальян Музыка: 🔶 https://www.youtube.com/watch?v=5whB_Zs8A7E 🔶 https://www.youtube.com/watch?v=Ksf9OymUW0Q — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- #ДобрыКанал #КаранііВытокі #БеларусьуФантастычныхАпавяданнях #шляхціцзавальня #янбаршчэўскі #беларускаямова #роднаямова #вучыммову #пабеларуску