Ці ёсць фэнтэзі ў Беларусі? Ёсць! І гэта фэнтэзі Яна Баршчэўскага, беларускага пісьменніка, аднаго з пачынальнікаў новай беларускай літаратуры. Паводле свайго містычнага настрою і міфалагічнасці апавяданні Яна Баршчэўскага стаяць у адным шэрагу з творамі Мікалая Гогаля, Дантэ Аліг’еры, Томаса Мана, Джона Р. Толкіна. Вітаем ў відэаблогу “Беларусь у фантастычных апавяданнях”. Сёння – аповед Яна Баршчэўскага “Белая Сарока”. Шляхціц Завальня пачуў яго ад падарожнага Якуша. Недалёка ад возера Язна быў вялікі маёнтак, жыў у ім пан Скамароха. Той пан быў надзвычай фанабэрлівы і хцівы. Аднаго вечара Скамароха быў адзін у пакоі. Нечакана ўбачыў страшную постаць у кутку: чалавек на танюсенькіх нагах, худы, з дробным і вострым тварам, падобны да птушкі. Гэта быў пасланец Белае Сарокі, які паведаміў, што заўтра яна прыляціць да пана, знаёміцца. Бо той вельмі падыходзіць ёй ў кампаньёны – па манерах і адносінах да людзей. Увечары, сапраўды, залятае ў вакно сарока - і ў міг вока стаіць пасярод пакоя кабета чароўнае красы. Пагаманілі яны колькі, прыгажуня паабяцала яшчэ вярнуцца, толькі каб Скамароха сабраў паболей такіх жа паноў, як ён. Перамянілася зноў у сароку і выляцела ў акно, пакінуўшы велізарны мех золата. Скамароха, ездзячы ад маёнтка да маёнтка, з захапленнем апісваў прыгажосць, багацце і шчодрасць Белае Сарокі. Некаторыя даводзілі: тут схавана нейкая здрада і што заплацяць за яе вялікім няшчасцем. Іншыя радаваліся і з нецярплівасцю чакалі дня, калі змогуць ўбачыць Белую Сароку. Прыехалі да Скамарохі госці. Гаспадар наліў у келіхі віно: - Вып’ем за здароўе пані Белае Сарокі! Ледзь сказаў - з хуткасцю бліскавіцы залятае ў вакно Белая Сарока. І вось ужо бачаць усе кабету дзіўнае прыгажосці, у дыяментах і перлах. Уся ноч прамінула ў размовах і віватах. І ўсіх Белая Сарока шчодна ўзнагародзіла за прыязнасць да яе. Але ж у хуткім часе пачалі спраўджвацца прадчуванні простых людзей. Тая страшная чараўніца патаемна разаслала ва ўсе бакі шкоднікаў. Пачаліся беды да напасці. Стральцы сталі цікаваць яе паўсюць, і Белая Сарока больш не з’яўлялася ў гэтым краі. Але зло, якое яна пакінула, распаўзлося па наваколлі. Тыя, што пілі віно за яе здароўе, п’юць слёзы няшчаснага люду. А сам пан Скамароха, кажуць, у палацы Белае Сарокі ў абліччы страшнага мядзведзя вартуе яе незлічоныя скарбы. Ці багацце ды прыгажосць – галоўнае? І хіба ліслівыя словы заўсёды праўду кажуць? А на сёння ўсё. Беражыце сябе. --- Беларуская літаратура, Ян Баршчэўскі. Шляхціц Завальня на Ютуб у відэа: "Шляхціц Завальня Белая сарока | Ян Баршчэўскі на Ютуб — Карані і вытокі. Добры канал". Глядзім яго на роднай мове, па-беларуску. Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby --- ❗️ У відэа выкарыстоўвалася: 🔶 Ілюстрацыі ў тэхніцы пескаграфіі - мастачка Ганна Каштальян Музыка: 🔶 https://www.youtube.com/watch?v=5whB_Zs8A7E 🔶 https://www.youtube.com/watch?v=Ksf9OymUW0Q — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- #ДобрыКанал #КаранііВытокі #БеларусьуФантастычныхАпавяданнях #шляхціцзавальня #янбаршчэўскі #беларускаямова #роднаямова #вучыммову #пабеларуску