Так супала, што 30-ты выпуск відэаблогу “Ладны пераклад” (канал “Карані і вытокі” інтэрнет-платформы “Добры канал”) выйшаў 30.09.21. Усе лічбы дзеляцца на 3! А тройка – магічная лічба. Таму сённяшняя тэма павінна быць незвычайнай. Пагаворым пра прымхі ды забабоны. Дарэчы, “забабоны” – гэта “предрассудки”. А “прымхі” – “суеверия”. А вы прымхлівыя ды забабонныя? Думаеце, не? – Маўляў, мы ж сучасныя людзі! Праверым. Вы ведалі што-небудзь пра паганскае капішча ў Мінску? Не? Тады спачатку крыху нашай гісторыі. Ажно да пачатку 20 стагоддзя ў самым цэнтры Мінска на беразе Свіслачы дзейнічала паганскае капішча. У даўно ўжо хрысціянскай Беларусі! Са сваім светаром – Севасцеем. Так і жылі. У царкву спачатку ішлі, а потым да капішча! І нікаго гэта не бянтэжыла. Толькі камуністы здолелі разбурыць тое капішча. Ну, праўда, і цэрквы запар. Але ці здолелі яны разбурыць прымхлівасць беларусаў? Гэта наўрад ці. Самі мяркуйце. ▪️ Чорны кот шлях перабег – што мы робім? Абыходзім тое месца або плюем тры разы праз левае плячо. З-за старых забабонаў. Лічылася, што чорны кот – увасабленне нячысціка. А праз левае плячо плююць, бо на ім нячысцік і сядзіць! ▪️ Калі забыліся на нешта і вярнуліся, трэба паглядзецца ў люстэрка, нават і тры разы – каб надзейней! Бо нашы бабулі верылі, што вяртнуўшыся, рызыкуем змяніць свой лёс. А люстэрка – акно ў іншасвет. Там усё выправяць. ▪️ Пра свае запаветныя планы лепей не казаць нікому - і нават уголас не прамаўляць. Каб не сурочыць. А калі ўсё ж сказаў, трэба тры разы пастукаць па нечым драўляным. ▪️ Калі зашываеш нешта на сабе, трэба прыкусіць нітку. Нашто? Кажуць, каб памяць не зашыць. Праўда, як гэта тэхнічна адбываецца – ніхто толкам і не ведае. Ну, сучасныя ды няпрымхлівыя, пазналі сябе? То ж бо і ёсць! Таму – тры разы вам трайной удачы ў кожную кішэню 😁! І ладнага ўсім перакладу. Ваша Воля)) --- Ладны пераклад: моўныя скарбы, моўнае бязмежжа, моўная штодзёншчына, моўныя вандроўкі, моўныя батлы, спеўная мова, сучасная беларуская мова – беларускія прымаўкі, прымаўкі ды прыказкі, беларускі фальклор, беларускія прыказкі ды прымаўкі і г. д. Вельмі багатая нашая родная беларуская мова! --- Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. Чорны кот шлях перабег, што рабіць? Прымхі, забабоны, сурокі | Родная мова – Моўнае бязмежжа — Ладны пераклад. Канал Карані і вытокі, Добры канал #ДобрыКанал #КаранііВытокі #ЛадныПераклад #моўныя скарбы #моўнаебязмежжа #моўнаяштодзёншчына #пабеларуску #мова #роднаямова #беларускаямова #вучыммову #думаемпабеларуску