Гэта "Ладны пераклад", дзе мы мяняем рускія ўстойлівыя выразы на нашы родныя, найлепшыя, ды знаёмім вас, якія бываюць беларускія прымаўкі ды прыказкі, мы вучымся думаць па беларуску і слухаем, як цудоўна гучыць наша родная беларуская мова. Мы працягваем вынаходзіць скарбы нашай роднай мовы. Вось прызнайцеся, бывала такое, што вы браліся планаваць нешта і так разганяліся ў марах, што ўжо не разумелі, дзе фантазія, а дзе сапраўднасць? Асабліва ў дзяцінстве такое бывае. Але некаторыя і сталымі ў сваім марным свеце засядаюць. І ўжо чаго толькі не раскажуць. Мы іх называем хвалькамі ды хмарагонамі. А яны ж, можа, проста фантазёры. Часта такія кажуць: “А вось калі б было так, то мы б гэтак, мы б ого-го!” Як жа яны любяць ўмоўны лад, каб апраўдаць сябе! Як тады кпяць з іх?.. — Каб на хмель не мароз, ён бы тын перарос. — Каб на дзятла не стралец, быў бы дзяцел маладзец. — Каб не плеш, дык і лысы не быў бы. — Кап, кап – ды не цячэ. — Што пра тое гаварыць, што не можа быць. Як не даюць веры ягоным словам, хвалько ў запале кажа: “Ты ж там не быў! А можа, так ўсё і было!” У адказ такое пачуць можа: — Можа-можа і бусел - самалёт, і качка - парахрод. — Хто б дзятла ведаў, каб не ягоная дзюба. А калі хваліцца: “А ў нас тое, а ў нас гэта…”, - можна адказаць: — А ў Беларусі пчолы, як гусі. Ну, і як маралітэ па гэтай тэме: — Не хваліся, сеўшы, а хваліся, з’еўшы А тым ненавучаным, хто ўсё яшчэ спадзяецца на хвалька і пытае: “Ну калі?.. Калі абяцанае спраўдзіцца?”, – навучаныя людзі кажуць: — Як воўк шчанём стане. — Як на далоні валасы парастуць. — Як баба дзеўкаю стане. — Хутчэй бусел жарабя ўродзіць. Запамінаем, засвойваем – і пачынаем ўжываць замест звыклых, прыетых. Пішыце, дзяліцеся. Ладнага ўсім перакладу! Ваша Воля) ▪️ Дарэчы, вы можаце падтрымаць наш праект на Patreon па спасылцы: https://www.patreon.com/bydobry --- Ладны пераклад, нашы тэмы: моўныя скарбы, моўнае бязмежжа, моўная штодзёншчына, моўныя вандроўкі, моўныя батлы, спеўная мова, сучасная беларуская мова – беларускія прымаўкі, прымаўкі ды прыказкі, беларускі фальклор, беларускія прыказкі ды прымаўкі і г. д. Вельмі багатая нашая родная беларуская мова! --- Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. Можа і бусел - самалёт | Беларускія прымаўкі ды прыказкі пра хвалькоў ды хмарагонаў — Моўныя скарбы. Ладны пераклад. Карані і вытокі. Добры канал #ДобрыКанал #КаранііВытокі #ЛадныПераклад #моўныя скарбы #моўнаебязмежжа #пабеларуску #мова #роднаямова #беларускаямова #вучыммову #думаемпабеларуску