Старажытныя гарады Беларусі. Горад Лагойск, куды мы накіраваліся ў гэты раз, размешчаны ў адным з найпрыгажэйшых раёнаў нашай краіны, які з-за незвычайнага рэльефа, багатага на самыя розныя ўзгоркі, прынята называць “Беларускай Швейцарыяй”. Аднак гэтая мясцовасць багатая не толькі на маляўнічыя краявіды, яна таксама мае даўнюю і вельмі цікавую гісторыю працягласцю болей за тысячу гадоў. Распачаць сённяшні аповяд мне хацелася б з падзеі без перабольшвання сусветнага значэння, што адбылася тут непадалёку каля 45-ці мільёнаў гадоў таму. Не хвалюйцеся, з датыроўкай я не памыліўся. У той час поўным ходам ішоў палеагенавы перыяд кайназойскай эры, ну а на месцы сучаснага Лагойска пляскаліся воды старадаўняга мора ды панаваў роўны ды цёплы трапічны клімат. І вось у адзін цудоўны момант уся гэтая дагістарычная ідылія была парушана. Аднекуль з нябёсаў ляснуўся вялізны астэроід. У дыяметры ён меў прыблізна 630-ць метраў, важыў больш за 400-ста мільёнаў тон, і на хуткасці каля 18-ці кіламетраў у секунду сутыкнуўся з зямлёю, прабіўшы кратар на паўкіламетры. Так і ўтварылася Лагойская анамалія, загадкі якой дагэтуль спрабуюць вырашыць геолагі. Дарэчы існуе меркаванне, што менавіта з-за гэтага астэроіда і шэрагу яму падобных, якія прыблізна ў тыя ж часы сутыкнуліся з нашай планетай, клімат на ёй істотна змяніўся, пахаладала, а Антарктыка разам з Арктыкай пачалі пакрывацца лёдам. Прайшлі мільёны гадоў. Кратар ад астэроіда паступова засыпала зямлёю. Ды і ўвогуле, дзякуючы ледавікам і рэльеф мясцовасці памяняўся карэнным чынам. Цяпер тут узніклі шматлікія пагоркі, паміж якімі цяклі вялікія ды не вельмі рэкі. І менавіта гэтыя мясціны падаліся прыдатнымі і зручнымі для жыцця нашым далёкім продкам. Засяленне Лагойшчыны пачалося яшчэ ў перыяд неаліту ды актыўна працягнулася ў бронзавым ды жалезным вяках. І гэтаму было абсалютна лагічнае тлумачэнне. На пагорках было нашмат прасцей бараніць сваю зямлю ад захопнікаў чым на раўніннай мясцовасці. Таму пачалі будавацца самыя першыя ўмацаванні, ну а прыблізна ў 10-11 стагоддзях нашай эры вось на гэтым самым месцы і ўзнік горад, вядомы як Лагожаск альбо Лагойск. Калі прыглядзецца, то можна ўбачыць, што дзе-нідзе дагэтуль засталіся рэшткі абарончых валоў, якія ўваходзілі ў комплекс умацаванняў, без іх у тыя часы было нікуды. Першае прыгадванне Лагойска на старонках старых дакументаў трапляе на 1078-мы год, калі тагачасны смаленскі князь Уладзімір Манамах захапіў і спаліў гэты горад у межах сваёй міжусобнай вайны супраць полацкага князя Усяслава Чарадзея. На той момант Лагойскае княства было адным з фарпостаў княства Полацкага, таму падчас розных канфліктаў яго жыхарам моцна даставалася неаднойчы. 11-12 ст. сагоддзі ў гісторыі Лагойска выдаліся вельмі няпростыя. Як у прынцыпе і для ўсёй беларускай зямлі. Даводзілася зубамі трымацца за права самастойна вырашаць свой лёс. Тым больш, што і ворагаў хапала. На змену навакольным княствам прыйшлі яшчэ больш сур’ёзныя ворагі – крыжакі ды мангола-татары. Таму ў першай палове 14-га стагоддзя ў часы князя Гедыміна Лагойск стаў часткай Вялікага княства Літоўскага. Лагойскага княства больш не існавала. Так ці інакш, але 15 стагоддзе выдалася, бадай што, самым спакойным у гісторыі Лагойска. Ворагі не нападалі, астэроіды не падалі. Горад паступова рос і багацеў. Але напачатку 16 стагоддзя Лагойск быў спалены ажно двойчы. Спачатку ў 1505-ым годзе гэта зрабілі крымскія татары, а ўжо ў годзе 1519-ым – войскі Маскоўскага княства. Здавалася б на гісторыі і перспектывах горада можна было ставіць вялікі крыж. Але ў 1524-ым годзе ўсё памянялася істотным чынам. Новым гаспадаром Лагойшчыны стаў Васіль Тышкевіч – буйны дзяржаўны дзеяч Вялікага княства Літоўскага, які за заслугі перад краінай 5-га лістапада 1569-га года атрымаў ад Жыгімонта Аўгуста тытул графа. — — — ❗️ У відэа выкарыстоўваліся: ► Музычныя кампазіцыі С. Бутоўскага: ▪️ фон Средний ▪️ Through The Times ► Абстрактны манголататарын https://ru.wikipedia.org/wiki/%D0%9C%D0%BE%D0%BD%D0%B3%D0%BE%D0%BB%D1%8C%D1%81%D0%BA%D0%B8%D0%B5_%D0%BD%D0%B0%D1%80%D0%BE%D0%B4%D1%8B#/media/%D0%A4%D0%B0%D0%B9%D0%BB:Genghis_Khan_The_Exhibition_(5465078899).jpg Ліцэнзія CC BY-SA 2.0 https://creativecommons.org/licenses/by-sa/2.0 — — — Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- Сусветная катастрофа на Лагойшчыне: Лагойская анамалія/ Лагойскае княства | Вандроўкі па Беларусі — Гісторыя без межаў з Лявонам Казаковым | Карані і вытокі. Вандроўкі па Беларусі. Лявон Казакоў. Добры канал #ДобрыКанал #Караніівытокі #ЛявонКазакоў #ГісторыяБезМежаў #займальнаягісторыябеларусі #гісторыябеларусі #беларусь