Асаблівыя вітанкі сёння – усім сабачнікам! Гэты “Ладны пераклад” прысвечаны ім. Будзем гаварыць пра каманды для сабак. І пра перавучванне сабачак з рускай на беларускую. З дапамогай відэаблога "Ладны пераклад" мы вучымся гаварыць па беларуску – як беларуская мова можа ужывацца ў розных сферах жыцця. Мая Дэзька ўжо ведае каманды і па-руску, і па-беларуску. Яна ў нас вялікая разумнічка. Сабачы паліглот! А той, хто толькі збіраецца завесці сабе сабакена і зараз шукае ў Інтэрнэце “как обучить собаку командам”, вучыце яго лепей адразу па-беларуску! Дзелімся сваім вопытам. Самыя галоўныя і важныя каманды сабакам, якія павінен ведаць і выконваць любы сабака – “Да мяне!” і “Побач!” Магчымыя варыянты: “Сюды!” і “Каля!” Ад іх залежыць бяспека гадаванца на вуліцы. На іх крыху цяжэй перавучвацца на беларускай мове, чым на астатнія каманды. Бо словы адрозніваюцца ад рускіх. Але пасля некалькіх паўтораў (і асабліва пасля пачастуначкаў) – і яны запомнаюцца даволі хутка. А тыя каманды, што раней, акрамя голасу, яшчэ і рукой паказваліся, зусім без праблем вучацца. Ды і яны падобна гучаць па-беларуску: “Сядзець! Дай лапу! Ляжаць! Голас! Танцуй!” Можна паспрабаваць з рукой яшчэ варыянт – “Скачы!” замест “Танцуй”! І так, і так можна казаць. Нават калі рухі-каманды і не адпавядаюць агульнапрынятым хэндлераўскім, не бяды! Асабліва як на рынг не збірацца. Галоўнае, каб гаспадар і нашы хатнія гадаванцы адно аднаго разумелі. Не службовыя ж стасункі іх часцей звязваюць у сучасным свеце, а сяброўскія. Можна ўвогуле свае ўласныя, толькі вашы, слоўцы прыдумаць. А кінолагам і элітным заводчыкам варта падумаць над беларусізацыяй рынгаў таксама. Бо што за непарадак? А?.. Любові, цярплівасці, добрага настрою ўсім і… Ладнага перакладу! Ваша Воля 😄 Падпісвайцеся на наш сайт, саціяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby -- Ладны пераклад Да мяне і побач: каманды для сабак на беларускай мове!/ Как обучить собаку командам | Ладны пераклад | Вучым мову на канале "Карані і вытокі" – Добры канал — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. #ДобрыКанал #КаранііВытокі #ЛадныПераклад #мова #роднаямова #беларускаямова #вучыммову #думаемпабеларуску #пабеларуску #беларусь