Працягваем нашую вандроўку па вёсцы Жылічы, што знаходзіцца прыблізна ў 180-ці кіламетрах на Паўднёвы Ўсход ад беларускай сталіцы прыблізна пасярэдзіне паміж Бабруйскам і Рагачовым. Спасылка на папярэдняе відэа: https://youtu.be/6G4Xx8MV3hU. Сёння ў відэа – архітэктура Беларусі. Настаў час паразмаўляць пра абставіны ўзнікнення галоўнай гістарычнай адметнасці гэтага населенага пункта – Жыліцкага палацава-паркавага комплекса, які нават у неблагім стане захаваўся да нашага часу, пра гісторыю шляхецкага рода Булгакаў і ўзнікненне іх герба “Сыракомля”. Род Булгакаў быў вядомы на беларускіх землях з даўніх часоў. Што цікава, гучанне іх прозвішча як бы намякае на татарскія карані, але пры гэтым свой радавод яны выводзілі ад легендарнага рыцара Сыракомлі, у гонар якога быў названы і шляхецкі герб, якім яны, уласна, карысталіся. Парадокс заключаецца ў тым, што Сыракомля ўласна і адзначыўся на вайне з татарамі. Паводле легенды гэта адбылося ў 1399-ым годзе ля ракі Ворскла. Там зыйшліся войскі вялікага князя Літоўскага Вітаўта і залатаардынскага хана Цімура-Кутлуга. Увогуле, бітва склалася для Вітаўта вельмі няўдала. Татары падманным адступленнем заманілі яго войска ў пастку, акружылі і разбілі. Але лічыцца, што бітва пачалася з двабою, у якім супраць магутнага татарскага мурзы выступіў якраз-такі рыцар Сыракомля, які і перамог татарскага багатыра. На жаль войску Вялікага княства гэта не надта дапамагло, але подзвіг не застаўся незаўважаным. Сыракомлі пашанцавала застацца ў жывых пасля гэтай бітвы, таму, зноў жа паводле легенды, польскі кароль Ягайла ўшанаваў яго асабістым гербам, на якім да герба Абданк быў далучаны крыж. Пазней гербам гэтым карысталіся каля сямідзесяці беларускіх шляхецкіх радоў, у тым ліку і Булгакі. Узнікненне Жыліцкага палацава-паркавага комплексу звязанае з асобай Ігнацыя Булгака. Яго бацькі паставілі перад ім цікавую ўмову – яны пагаджаліся перадаць яму ў спадчыну свае ўладанні толькі ў тым выпадку, калі ён атрымае вышэйшую адукацыю ва універсітэце. Ігнацы паспяхова справіўся з гэтай задачай і скончыў універсітэт у Дэрпце (цяпер гэта эстонскі горад Тарту). Больш за тое, пасля гэтага ён яшчэ і паваяваць паспеў. У складзе расійскай арміі паручыкам артылерыі ён дайшоў ажно да самага Парыжа. Хто ведае, быць можа, менавіта ля палаца ў Версалі ў яго і нарадзілася ідэя ажыццявіць падобны праект у сябе дома. Але пасля вяртання з вайны напачатку трэба было наладзіць свае справы ў мірны час. З гэтай задачай Ігнацы Булгак справіўся на выдатна. Ён выгадна ажаніўся з дачкой бабруйскага павятовага маршалка Юзафа Слізня – Ізабэлай. А неўзабаве і сам заняў ганаровую пасаду цесця. Што цікава, пан Булгак выдатна сябе праявіў не толькі як грамадскі дзеяч, але і як паспяховы бізнэсмэн. Атрымаўшы ў спадчыну немалыя ўладанні ён актыўна развіваў іх інфраструктуру. Будаваў цукровыя заводы, млыны, вінакурні ды іншыя прадпрыемствы. Так што недахопу ў грошах ён не адчуваў. Але, безумоўна, галоўнай справай для яго стала будаўніцтва вось гэтага палацава-паркавага комплекса. Праектаваў палац, прынамсі, яго галоўную частку, бадай што самы знакаміты беларускі архітэктар таго часу, прафесар Віленскага універсітэта, аўтар першага ў беларускай гісторыі падручніка па архітэктуры – Караль Падчашынскі. Што цікава, Ігнацы Булгак быў вялікім аматарам музыкі, таму быў прадугледжаны нават спецыяльны паддашак для музыкаў з выдатнай акустыкай. — — — ❗️ У відэа выкарыстоўваліся: ► Музычныя кампазіцыі С. Бутоўскага: ▪️ фон Средний ▪️ Legends That Stones Can Tell ▪️ Mountain Village ► Герб Сыракомля https://ru.wikipedia.org/wiki/%D0%A1%D1%8B%D1%80%D0%BE%D0%BA%D0%BE%D0%BC%D0%BB%D1%8F_(%D0%B3%D0%B5%D1%80%D0%B1)#/media/%D0%A4%D0%B0%D0%B9%D0%BB:POL_COA_Syrokomla.svg CC BY-SA 3.0: https://creativecommons.org/licenses/by-sa/3.0 ► Герб Абданк https://ru.wikipedia.org/wiki/%D0%90%D0%B1%D0%B4%D0%B0%D0%BD%D0%BA_(%D0%B3%D0%B5%D1%80%D0%B1)#/media/%D0%A4%D0%B0%D0%B9%D0%BB:POL_COA_Abdank.svg CC BY-SA 2.5: https://creativecommons.org/licenses/by-sa/2.5 ► Герб Гіпацэнтаўр https://ru.wikipedia.org/wiki/%D0%93%D0%B8%D0%BF%D0%BE%D1%86%D0%B5%D0%BD%D1%82%D0%B0%D0%B2%D1%80_(%D0%B3%D0%B5%D1%80%D0%B1)#/media/%D0%A4%D0%B0%D0%B9%D0%BB:POL_COA_Hippocentaurus.svg CC BY-SA 3.0: https://creativecommons.org/licenses/by-sa/3.0 — — — Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. -- Архітэктура Беларусі: Жыліцкі палац – Беларускі Версаль у Жылічах/ Карані і вытокі – Добры канал. #ДобрыКанал #Караніівытокі #ЛявонКазакоў #ГісторыяБезМежаў #займальнаягісторыя #вандроўкіпабеларусі #гісторыябеларусі #беларусь