Мы, як і большасць людзей, перажываем за людзей ва Ўкраіне. Акрамя таго, мы разумеем, што людзі зараз падзяліліся на тых, каму неабходна адцягнуцца ад патоку трывожных навін, і на тых, хто не разумее, як можна займацца кантэнтам, не звязаным са страшным парадкам дня. Адзіны спосаб зараз быць карыснымі - гэта рабіць тое, што мы ўмеем рабіць лепш за ўсё - працягваць выпускаць для вас відэа на розныя тэмы, каб вы маглі адцягнуцца. Калі гэта відэа здасца недарэчным або закране вашыя пачуцці, паспрабуйце зразумець - мы не ставім сабе такіх мэт, а суперажываем разам з вамі. — — — Гэта "Ладны пераклад", дзе мы мяняем рускія ўстойлівыя выразы на нашы родныя, найлепшыя, ды знаёмім вас, якія бываюць беларускія прымаўкі ды прыказкі, мы вучымся думаць па-беларуску, спяваем песні на беларускай мове і слухаем, як цудоўна гучыць наша родная беларуская мова. Таксама ў "Ладным перакладзе" мы дзелімся адно з адным моўнымі скарбамі, якімі багатая наша мова. Гэта нашы беларускія прыказкі, беларускі фальклор. Сёння ўзгадаем крылатыя выразы – народныя выслоўі пра вайну, якія і з’явіліся ў гады такіх самых цяжкіх выпрабаванняў. А іх на нашай зямлі многа было. І заўсёды людзі дапамагалі адзін аднаму. І справай, і словам. А трапнае слова – гэта моц. Адно знясіліць, а другое - падтрымае, смеласці надасць. Калі адстойвае народ сваё, роднае - зямлю-матухну, дык яна і сама нібыта дапамагае: — Ля роднага гнязда і сарока паб'е арла. Сапраўды, напаўняе моцай родная зямелька. — Той герой хто прыняў бой. А вось наказ салдату-абаронцу: — За Радзіму ды край свой моцна стой. А як народная мудрасць ацэньвае баязлівасць?.. — Ворага баяцца - у няволі заставацца. — Ворага слязьмі не патопіш. А як яго адолець? — Кожнаму ваўку ў горла па штыку. Бо чаго на чужую зямлю прыйшоў? Ну, і яшчэ некалікі трапных выслоўяў - з часоў Вялікай Айчыннай. — Не куля, а чалавек забівае. Гэта праўда. Зброя сама не стрэліць, пакуль яе чалавек не возьме. Злы – каб забіваць, а добры – каб родных абараняць. Але ж у любым выпадку: — Салдат ваюе, сынок гаруе. Вайна – бяда для ўсіх. А самае жудаснае, што знаходзяцца і такія, пра каторых кажуць: — Каму вайна – мачыха, а каму - і маці. Не дай божа іх напаткаці. Яны нічыіх жыццяў не пашкадуюць. Мільёны людзей гатовыя кінуць у пекла. Такіх толькі разам адолець можна. Як казалі ў Вялікую Айчынную? — Усе па нітачцы - Гітлеру на вяроўку. Жорсткая тэма. Ніколі не думалася, што давядзецца пра такое гаварыць. Але як там? — На лепшае спадзявайся, ды ж пра горшае не забывайся. Беражыце сябе і сваіх блізкіх, сябры. Міра і спакою ўсім. Чакаем вашых каментароў. Ладнага ўсім перакладу! Ваша Воля)) ► Дарэчы, вы можаце падтрымаць наш праект на Patreon па спасылцы: https://www.patreon.com/bydobry --- Ладны пераклад, нашы тэмы: моўныя скарбы, моўнае бязмежжа, моўная штодзёншчына, моўныя вандроўкі, моўныя батлы, спеўная мова, сучасная беларуская мова – беларускія прымаўкі, прымаўкі ды прыказкі, беларускі фальклор, беларускія прыказкі ды прымаўкі і г. д. Вельмі багатая нашая родная беларуская мова! — — — — — — Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. Той герой хто прыняў бой! – народныя выслоўі пра вайну | Карані і вытокі: Моўныя скарбы. Ладны пераклад. Добры канал #ДобрыКанал #КаранііВытокі #ЛадныПераклад #пабеларуску #мова #роднаямова #беларускаямова #вучыммову #думаемпабеларуску #беларусь