Пачынаю абяцаны цыкл ролікаў па палітычнай праграме - тэзісах, якія мне блізкія. Назваў цыкл "праграма эгаіста", паколькі перакананы, што кожны чалавек у жыцьці мае уласныя інтарэсы, якія абумоўліваюць ягоныя паводзіны, часам нават спантанныя ўчынкі. Людзей, якія адмаўляюцца на 100% ад усяго свайго на карысьць іншых мала. Звычайна пачынаюць гаварыць як пра сьвятых. Палітыкі - дакладна не сьвятыя. Таму той хто кажа, я хачу "каб усе", але маўчыць пра сябе, на маю думку, крыху маніць. Цяпер па праграме. Адразу падкрэсьлю - я не зьбіраюся ісьці ў палітыку, я не засноўваю палітычны рух, і не працую на нейкую палітычную арганізацыю. Праграма - гэта тэзы, ідэі, блізкія мне асабіста. І, вось тут, ёсьць кропля палітыкі. Палітычныя ідэі жывуць тады і толькі тады, калі іх абмяркоўваюць. Зь імі могуць пагаджацца ці не, але яны "чутныя". Як толькі ідэі становяцца блізкімі для крытычнай масы людзей - яны становяцца палітыкай. У гэтым адрозьненьне ад бізнэс-падыходу, дзе твая ідэя каштоўная і патэнцыйна выгадная, калі яна "сакрэтная". У палітыцы "сакрэтная", нікому не вядомая ідэя - нішто. Тэма першага роліку - дзяржава. Гэта размова над тэорыяй, вызначэньнем дзяржавы і ролі чалавека ў ёй. Магчыма, частцы гледачоў будзе на так цікава. Але без гэтае размовы няма сэнсу гаварыць далей, бо спачатку выкладаеш асноўную лёгіку пабудовы сыстэмы, пасьля саму сыстэму. І, дарэчы, гэтая размова, на маю думку можа даць адказ на пытаньні "чаму абсурдныя размовы пра вяртаньне Канстытуцыі 1994 году" а таксама чаму абсурдная лёгіка выказваньняў Лукашэнкі "мы дзяржаву не аддадзім". І тое і тое ня ёсьць блізкім майму успрыняцьцю дзяржавы і ролі грамадзяніна. Што ж блізка мне - выклаў у роліку. ======= Падтрымай канал падпіскаю на Патрэоне https://www.patreon.com/join/ihar_Tyshkevich Гэтае стымулюе мяне здымаць новыя ролікі