21 снежня Лукашэнка правёў нараду па цэнах, аднак ён страціў голас і праводзіў яе шэптам. Пуцін канчаткова вырашыў балятавацца і фактычна ідзе на пажыцьцёвае прэзыдэнцтва. Гэта значыць, апошняя псыхалягічная перашкода для Лукашэнкі зьнікла. Ён таксама пойдзе на выбары 2025 году і будзе, верагодна, займаць адразу дзьве пасады: прэзыдэнта і кіраўніка Ўсебеларускага народнага сходу. Чаму гульня Лукашэнкі з цэнамі не такая бяскрыўдная, як можа падацца і як расейскія выбары паўплываюць на палітычныя працэсы ў Беларусі, тлумачыць палітычны аглядальнік Свабоды Валер Карбалевіч.