У Варшаве прайшоў "форум демократических сил Беларуси" (я не памыліўся з моваю) пра які з красавіка 2022 году актыўна гаварыў В. Цапкала. Падзея цікавая, бо на яе сабраліся абсалютна розныя людзі, з рознымі думкамі й рознай палітычнай пазыцыяй. Гэта больш паходзіла менавіта на форум з мэтаю пачаць камунікаваць між сабою, чым на зьезд ЦК КПСС ці паседжаньне аднаго са "штабоў", "кабінэтаў" ці "упраўленьняў". Два дні былі выступы, спрэчкі, скончылася ўсё фармуляваньнем выніковага дакумэнта й заклікаў яднацца на будучыню. Па магчымасьці на базе больш прадстаўнічага форуму. Быццам бы добра, але калі чытаеш выніковы дакумэнт, бачыш тэмы ствараемых працоўных групаў, узьнікае пытаньне: гэта пра зьмену ўлады ў Беларусі ці гэта пра тое як даць сэнс уласнаму існаваньню. Ідэя сабраць людзей была цікавай (не зважаючы на маё крытычнае стаўленьне да палітычнай часткі ўдзельнікаў). Але атрымалася пакуль "як заўсёды". Адным словам прапаную разам пачытаць выніковыя дакумэнты й пазадаваць нязручныя пытаньні )) Падтрымка каналу: https://www.patreon.com/ihar_Tyshkevich