(доступны субтитры на русском) Абвал коштаў на нафту, як, дарэчы, і пачатак сусьветнага фінансавага крызысу стварае перадумовы для рэалізацыі амбітных рэгіянальных праектаў. Можна сьмела гаварыць пра тое, што у дзяржаваў рэгіёну ўпершыню за доўгі час зьявілася рэальная магчымасьць ня толькі зьменшыць залежнасьць ад расейскіх вуглевадародаў, але й пачаць уласную гульню на рынку. Гаворка йдзе пра абвешчаную Саўдаўскай Аравіяй зьніжку на нафту для еўрапейскіх спажыўцоў. Яна складзе $10,25 на кожны барэль ад базавага кошту маркі Brent (адразу варта адзначыць, што памер зьніжкі абумоўліваўся пры кошце нафты ў 40 даляраў за барэль). Гэта азначае, што дысконт да кошту расейскага Urals складзе не меней за 8-9 даляраў. Пры кошце барэля ў $40, зьніжка ад Саўдаўскай Аравіі выглядае, прынамсі аналягічнай (калі не большай), параўнаўча з разрэклямаванай лічбай 17% - розьніцай, якую выйгравала Беларусь за кошт нясплаты экспартнага мыта РФ. Застаецца пытаньне ў лагістыцы. З аднаго боку гэта нафтаправод Адэса-Броды, зь іншага магчымасьць адсудзіць нафтаправод Полацк-Вентспілс у латышска-расейскага "Латространсу" і заява польскага боку пра магчымасьць мадэрнізацыі свайго ўчастка "Дружбы" для падачы сыравіны ў рэверсным рэжыме. Рэалізацыя ўсіх гэтых праектаў, залучэньне зьнешніх партнэраў можа рэальна стварыць агульную нафтаправодную сыстэму між Чорным ды Балтыйскім морам. Патэнцыйныя капіталаўкладаньні не такія вялікія - Беларусі патрэбна да 150-160 млн даляраў на рамонт Латыскага нафтаправоду (калі атрымаецца яго забраць ва ўласнасьць) і будаўніцтва перамычкі паміж паўночнай ды паўднёвай галінамі "Дружбы". Грошы на падобныя праекты могуць выдаткаваць ЗША - яны ўжо абвясьцілі пра намер інвеставаць у энэргетычны рынак рэгіёну каля $1 мільярда. Але ёсьць інтарэс Саўдаўскай Аравіі, якая гатовая будаваць НПЗ на новых рынках і зацікаўлена "увайсці ў трубу" для пастаўкі сваёй сыравіны ў Еўропу. Можа быць і інтарэс КНР. Маштабны інфраструктурны праект, які можа быць рэалізаваны, дарэчы, ня горшы накірунак у крызысны час, бо стымулюе нацыянальную эканоміку. Але, у такіх ідэяў, натуральна, ёсьць і апанэнты, як на міжнароднай арэне, так і ўнутры кожнай з дзяржаваў рэгіёну. Таму вакно магчымасьцяў, на жаль, не такое вялікае, як хацелася б. Падтрымай канал падпіскаю на Патрэоне https://www.patreon.com/join/ihar_Tyshkevich Такая падпіска надае стымул (і магчымасьці) для далейшага разьвіцьця пляцоўкі - тэхнічнага ўдасканаленьня ды ахопу новых тэмаў. дзякуй