Паразмаўлялі з Дзьмітрыем Шчыгельскім. Размова мелася быць працягам старой спрэчкі пра трансфармацыю сыстэмы ў Беларусі: ці будзе прымітызаванае грамадства ці будзе удасканалена сыстэма. Але, паколькі на апошнім стрыме гледачы мяне прасілі запытацца пра т.з. ШОС і пэрсонаў, аб“яднаных там, пачаў размову менавіта з гэтага. Дзіма адказаў, паспрабаваў мяне запрасіць далучыцца. Пасьля такі перайшлі да асноўнае тэмы вакол якой ідзе даўняя спрэчка. Гэтым разам часу хапіла толькі на спрэчку вакол магчымых дзеяньняў атачэньня Лукашэнкі. Разжавалі адзін з трох асноўных сцэнароў. Далей пісаць не буду, прапаную таймлайны: 00:00 Пачатак 00:40 Пытаньне да Шчыгельскага: навошта табе таксічныя групы? Няма ніводнага палітыка без таксічнасьці і пра патрэбы дыялёгу, гарызантальнай камунікацыі, размоваў 03:30 Група ШОС, таксычнасьць і тры яе пэрспэктывы: выкідаць таксічных, станавіцца «больш таксічным» праз пашырэньне і пасьля выхад на новае і пераўтварацца ў піраміду, калі цэнтар амбіцый толькі адзін. 08:42 Пра Клімава, Васкрасенскага і іншых, хто апынуўся «за бортам» працэсаў. І вяртаньне да ШОС і бачаньні будучага функцыяналу групы. 15:59 Наступ Шчыгельскага і мае адказы чаму для мяне непрымальны удзел у гэтай структуры. 21:58 Прычыны беларускага крызісу і ягоны характар – тое ў чым мы пагаджаемся са Шчыгельсім. Два магчымых выхаду – спрашчэньне грамадства да ўзору. 25:37 Аўтакратыя ці персаніфікаваны аўтарытарызм – пра суб“ектаў у беларускай палітыцы (у атачэньні Лукашэнкі) 31:30 Складанае грамадства і архаічная сыстэма кіраваньня. Колькі і ў якіх межах можа ісьці працэс «зачысткі палітычнага поля». Раней беларускія улады не стваралі протаапазыцыю. Ці гэта так – пра сьцяжкі і крыху пра адзіную кармушку на прыкладзе гісторыі ЛДПБ. Пакуль мігранты бягуць у Летуву, атачэньне Лукашэнкі шукае «возврашчэнца» з ліку эмігранцкае апазыцыі. 37:54 Палітычныя магніты, інтуіцыя Лукашэнкі і спробы аналізу. Зноў абмяркоўваем групу Васкрасенскага. 41:27 Лукашэнка будзе спрабаваць рабіць дынастыю. Але ці атрымаецца ў яго прапетляць. Што будзе калі Лукашэнка пачне зачышчаць і «дазволенае» поле. 45:00 Трансфармацыя сыстэмы, якая не адпавядае грамадскім адносінам. Што такое пераходны перыяд і якія працэсы могуць ісьці. Калі гайкі закручваюцца, сыстэма руйнуе сабе. 49:32 Чаму палітычная трансфармацыя Беларусі – у любым выпадку два этапы. І чаму гаворка пра новую сыстэму толькі праз 5-7 год. І чаму калі трансфармацыя не завершыцца, будзе руйнаваньне дзяржавы. 53:25 Зьмена сыстэмы і дэмакратыя. Чаму гэта не тоесныя паняцьці. У Лукашэнкі няма варыянтаў не трансфармуючы сыстэму застацца хоць з уяўнай уладай. 57:02 Геапалітычны выбар беларусаў: ці варта прыймаць нечый бок. І якія рызыкі нясе пераходны перыяд. Чатыры ці шэсьць сілаў, якія ўплываюць на Беларусь і між якімі складана рабіць выбар (ці патрэбна) 1:00:45 На чым сышліся і ў чым засталіся на сваіх пазыцыях. А таксама каго могуць "выпусьціць", каго будуць трымаць за кратамі. Падтрымаць канал можна падпіскаю на Patreon: https://www.patreon.com/ihar_Tyshkevich Рост падтрымкі стымулюе развіваць канал, браць новыя тэмы.