Беларуская апазыцыя ў часе электаральнай кампаніі парадавала адразу дзьвюма ідэямі. З аднаго боку стартавалі "праймерыз". З другога, апроч тэзісаў пра байкот, пачалася размова пра "перазапуск" ці "перазаснаваньне" дзяржавы - выхад на новую супольную дамову. На жаль, з рэалізацыяй і там і там маем праблемы. Кааліцыя па правядзеньню праймэрыз пратрымалася 53 дні ад моманту заснаваньня. Размовы пра байкот і пра грамадскую (супольную) дамову засталіся на ўзроўні інтэлектуальных разважаньняў тэарэтыкаў. Есьць нагода паспрабаваць разабрацца Праймерыз – папярэднія выбары, мэханізм абраньня кандыдата ад партыі, у якім бяруць удзел збольшага сябры партыі. У Беларускіх рэаліях размова хутчэй пра абраньне апазыцыйнага кандыдату, якое адбываецца шляхам галасаваньня грамадзян. На сустрэчу маюць прыйсьці людзі з пашпартам, пацьвердзіць сваю асобу і надалей, паслухаўшы выступоўцаў, вызначыцца. Таксама мае запрацаваць мэханізм галасаваньня праз інтэрнэт. З другога боку ёсьць дастаткова ўплывовая група, якая гаворыць пра байкот і пачынае дыскусію што да ўмоўнага «перазапуску дзяржавы» - выхад на контуры новае грамадзкае дамовы, якая можа аб'яднаць грамадзтва. Які з гэтых падыходаў найлепшы і можа гарантаваць перамогу? На маю думку, у кароткатэрміновай пэрспэктыве ніводны, у сярэднетрывалай - абодва. Каб разабрацца чаму, давайце цьвяроза зірнем на працэс зьмены ўлады і як ён можа адбывацца. 29 хвілінаў, пачынаючы ад ацэнкі патрэбанага кадравага патэцыялу і, праз тры асноўныя стратэгіі прыходу да ўлады, да аналізу ідэяў беларускіх дэмакратаў. Поўная тэкставая вэрсія дадзенага відэа будзе даступная маім падпісчыкам на патрэоне (адразу) https://www.patreon.com/join/ihar_Tyshkevich Платная падпіска на патрэоне дае рэсурс разьвіваць канал тэхнічна і тэматычна. Дзякуй. __________ Тэкставая вэрсія таксама неўзабаве зьявіцца на адным зь беларускіх аналітычных рэсурсаў.