Венесуэла, ЗША, Санкцыі, ўрокі для Беларусі ды Ўкраіны Злучаныя Штаты Амэрыкі ўвялі новыя санкцыі, датычныя кампаній, што перавозяць венесуэльскую нафту спажыўцам. На першы погляд, усё лагічна і можна гаварыць пра хуткі канец рэжыму Мадуро. На самой справе ня ўсё так гладка. І санкцыі абараняюць у першую чаргу інтарэсы ЗША. А размовы пра дэмакратыю, абарону свабоднае волі венесуэльскага народу - не болей, чым казкі для легкаверных. Чаму? Паспрабаваў разглядзець у гэтым роліку, дадаўшы асобны блёк па магчымых высновах, якія могуць зрабіць для сабе беларускія ды ўкраінскія палітычныя эліты. Тэмы відэа: 0:55 Реальпалітік, санкцыі й інтарэсы дзяржаваў. Чаму трэба думаць пра інтарэсы гульцоў, а не пра вонкавую рыторыку. 1:45 Гісторыя амэрыканскіх санкцый што да Венесуэлы. Прычыны і ход апэрацыі: ад абмежаваньняў за наркатычны трафік да арышту даходаў па дзяржаўных каштоўных паперах 2:43 Стан рэчаў 2019 году. Стартавыя ўмовы новага санкцыйнага пакету ЗША. Высокія словы пра абарону народу і рэальны баланс гандлю нафтапрадуктамі. Чаму Вашынгтон у венесуэльскім крызысе працуе чужымі рукамі - хто рэальна цісьне на Мадуро. 5:30 Як працуюць санкцыі і чаму чакаць імгненнага эфэкту не выпадае. Венесуэла адчула наступствы праз 16-17 год. Як маючы найбольшыя запасы нафты, не мець магчымасьці нават захаваць аб'ёмы здабычы 6:20 ЗША не уводзілі санкцыі супраць гандлю Венесуэльскай нафтай. Чаму? І хто асноўны гандлёвы партнэр Каракасу? Як спляталіся інтарэсы Чавэса/Мадуро з амэрыканскім нафтавым лобі. 7:30 Дывэрсыфікацыя зьнешняга гандлю Венесуэлай - сапраўдная прычына санкцый. Чаму? 8:47 У Вашынгтона былі магчымасьці паваліць рэжым Мадуро на працягу 6 месяцаў. І чаму ЗША ПРАДАЮЦЬ нафту Венесуэле? 10:20 Ці будзе зьменены рэжым у Венесуэле. Альбо ці ёсьць Гуайдо дэмакратам? Высновы для Беларусі 11:55 Беларусь, дыктатура, апазыцыя і рэальпалітык. Што цікава партнэрам: дэмакратыя ці функцыія? Інтарэс захаду да беларускай апазыцыі падае. 13:00 Лукашэнка - як непрадказальны гулец не цікавы. Такіх кіраўнікоў мяняюць. Які функцыянал дзяржавы Беларусь прапанаваў Лукашэнка зьнешнім гульцам. І чаму я называю Радзіму "дзяржавай-кантрабандыстам". Роля ў канфлікце вакол Украіны. 15:33 Лукашэнка прапануе функцыянал і гарантуе рэалізацыю. Прыклад - санкцыі ЗША і зброя сірыйскай апазыцыі. Цынізм прэс-рэлізу казначэйства: Беларусь абяцала (!) не працаваць надалей з Іранам. 17:13 Новы функцыянал краіны, які актыўна шукае Лукашэнка. ІТ, зброя і зборачны цэх для КНР. Ці зацікавіўся Кітай і ці ён ужо ўвайшоў у Беларусь на поўную. 18:34 Што прапануе беларуская апазыцыя і чаму лёзунгі "за дэмакратыю" ужо не купляюць. Немагчыма 20 год прадаваць адзін і той жа прадукт без ягонага рэдызайну. Ці можа апазыцыя атрымаць падтрымку наноў? 19:45 Украіна - частка больш глябальнае партыі, таму яе падтрымка з боку ЕС ды ЗША прадказальная. Але калі будзе глябальны абмен саступкамі - што стане з Украінай? 20:50 Украіна за кошт памераў, патэнцыялу можа прапанаваць вельмі важны функцыянал на рэгіянальным ды глябальным узроўнях. Калі такое адбудзецца - памеры падтрымкі ўзрастаюць у разы. Жадаеце ведаць болей? Падпісвайцеся на гэты канал Шукайце мяне у Фэйсбук https://www.facebook.com/Ihar.Tyshkevich Мой тэлеграм-канал: https://t.me/slavic_brotherhood