Беларусы ваююць на баку Ўкраіны. Досыць багата. Найбольш вядомым ёсьць, натуральна, полк Каліноўскага. Але гэта не адзінае месца, дзе можна пачуць «я зь Беларусі». Такая зьява, натуральна, стала падставай для дыскусій й абмеркаваньняў. Прычым ў працэс уключыліся як дзяржаўныя СМІ Рэспублікі Беларусь (дарэчы, калбаіць і расейцаў), так і недзяржаўныя, у тым ліку апазыцыйныя інфармацыйныя рэсурсы. Адны спрабуюць абліць брудам і разважаць як «усіх знойдуць й пакараюць», другія наадварот разважаюць як той жа полк Каліноўскага «пойдзе вызваляць Беларусь». Але і тое і тое – вельмі прымітыўны, паверхневы погляд. Больш таго, проста настройваць мужчынаў і жанчынаў што зараз ваююць на украінскім фронце на банальны «вызвольны паход супраць Лукашэнкі» -- марнаваць адну зь нешматлікіх магчымасьцяў й масьціць дарогу да паразы. Чаму – прапаную паразважаць разам. Свой погляд выклаў у роліку. Таймкоды: 00:00 Пачатак. Альбо пра цікавую «ідэальную» й адначасова прымітыўную карцінку будучыні. 02:14 Два чыньнікі чаму баіцца Лукашэнка. Першы відавочны – апанэнты якія са зброяй. І, што важна – людзі, у якіх мяняецца сьветапогляд – замест «паміраць за Радзіму», людзі вучацца «забіваць за Радзіму». У чым розьніца падыходаў і чаму першы шлях – тупіковы. Альбо чаму ў сапраўдным патрыятызме мае быць рацыянальная база. 06:08 Другі й, мо, набольш важны фактар – зьяўляецца суб“ект, які мае ініцыятыву ў інфармацыйным полі. Апанэнты Лукашэнкі скаціліся да рэакцыі на словы й учынкі сонцалікага на мяжы канца верасьня 2020 году. І пратэст быў прырэчаны. Спробы вярнуць ініцыятыву ў 2021 былі проста пачварнымі й ідыёцкімі. Каліноўцы маюць ініцыятыву таму што сваімі ўчынкамі фармуюць павестку. І гэта ўганяе ў жах (і шал) атачэньне Лукашнкі. Бо той, хто пачынае проста «адказваць на...» «камэнтаваць што зрабіў праціўнік» 100% прайграе. Пытаньне ў часе. 10:40 Полк Каліноўскага становіцца палітычным суб“ектам (дарэчы, і ў Украіне). І гэта, на жаль, пакуль не да канца ўсьведамляюць самі вайскоўцы. Зь іншага боку, у іх ёсьць да году каб зразумець й адчуць сваю вагу. Калі здолеюць – будуць украй уплывовымі. Не – расчыняцца. 12:05 Беларусы на ўкраінскім фронце (а не штабы, упраўленьні ці нехта іншы) зьмянілі нэрвовы нэгатыў укаінцаў што да беларусаў. І што найбольш важна – яны зьмянілі ўкраінскую прэсу (незалежна ад уласнасьці). Другое значна цяжэй робіцца (дакладней, робіцца не заявамі,а ўчынкамі) 12:45 Непрыемныя словы – чаму ісьці ў лёгіцы ідэі пра вызвольны паход за дэмакратыю адразу па вайне = грэбаваць звышкарысным рэсурсам для будучыні Беларусі. 15:19 Пра рэсурс і магчынасьці. Пра тое, што такое кадры й чаму важна далейшая адукацыя добраахвотнікаў па вайне. Ролік спадабаўся – прастымулюй запіс новых падпіскай на Патрэон: https://www.patreon.com/ihar_Tyshkevich ТГ канал Палку Каліноўскага (фота для застаўкі ўзятае адтуль, дарэчы): https://t.me/belwarriors