Рэвалюцыі ў Беларусі не адбылося. Ды, па вялікім рахунку рэвалюцыі як карэннай й хуткай зьмены сыстэмы ўлады і не магло адбыцца. Дзіўны пасыл на самым пачатку. І багата хто адразу ўспрыме яго ў штыкі. З іншага боку масавая палітызацыя грамадзтва можа стаць пачаткам вельмі цікавых працэсаў. Ня хуткіх і балючых. Але тых, што могуць даць плён. Гаворка ў відэа пойдзе не пра Лукашэнку, Ціханоўскую, Латушку ці некага яшчэ. Пра нас з вамі – пра «сярэднестатыстычнага беларуса» ды ягоныя палітычныя рэакцыі. Заінтрыгаваў? Што ж. Прапаную, спадзяюся, першы з вялікай сэрыі асьветніцкіх ролікаў. Гэтым разам азы паліталёгіі. Разам з Вольгай Харламавай разважаем над такім працэсам, як палітычная сацыялізацыя. Як адбываецца, які ўплыў на паводзіны асобы ці групы асобаў. І чаму у Беларусі мусіць прайсьці працэс зь дзіўнай назвай «палітычная РЭсацыялізацыя». Адным словам уводная размова на досыць складаную тэму. Калі ролік падаўся цікавым – пішыце ў камэнтарах – будзем працягваць. І, калі інфармацыя падалася карыснай – дзяліцеся зь сябрамі. А падтрымаць запіс размоваў на наступныя тэмы можна падпіскаю на Патрэон: https://www.patreon.com/ihar_Tyshkevich