Шпіталізацыя іранскага студэнта БНТУ, эпідэміялягічныя меры, якія рэалізуе кіраўніцтва Беларусі прымусіла задумацца над простым пытаньнем: "ці гатовая краіна на барацьбы з эпідэміямі?" Прааналізаваць сытуацыю спрабую з выкарыстаньнем дадзеных The Global Health Security (GHS) Index а таксама наяўнай інфармацыі пра працу дзяржаўнага апарату. Калі ацэньваць хуткасьць рэакцыі мэдычных працаўнікоў, наяўнасьць месцаў для ізаляцыі ў карантыне адносна (пакуль) вялікай колькасьці людзей, абмежаваньні, якія былі ўведзеныя ў рэжым працы ВНУ - ня так ўсё блага. Калі ж глядзець на дадзеныя згаданага вышэй індэксу, можа скласьціся ўражаньне, што сытуацыя можа стаць катастрафічнай. Беларусь не радуе сваёй пазыцыяй. Аднак, аналіз кампанэнтаў ацэнкі дае пэўную надзею. Добрыя пазыцыі (параўнаўча з суседзямі, у тым ліку з ЕС) у наяўнасьці абсталяваньня, магчымасьцях дзяржаўнае машыны, пратаколах тактычнае рэакцыі на праблему - гэта факт. З другога боку таксама фактам ёсьць адсутнасьць падрыхтаваных кадраў, прапісаных альгарытмаў (у нарматыўнай базе) дзеяньняў у разе настаньня надзвычайнай сытуацыі, брак камунікацыі, комплекснага падыходу. Груба кажучы, тэхнічна і тэарэтычна быццам бы падрыхтаваныя, а вось з практычнымі мэханізмамі бяда. Але ж апошняе - пытаньне досьведу. Я вельмі спадзяюся, што беларускія адмыслоўцы, прынамсі, вывучылі досьвед КНР. У ідэале было б адправіць групу туды для працы "на месцы", што, дарэчы, меліся рабіць. Досьвед - штука нажыўная, ён прыходзіць. Таму гэты выпадак можа стаць асновай для аналізу ды ацэнцы патэнцыялу дзяржавы па рэагаваньню у крытычных выпадках. На падставе аналізу ўжо уносяцца карэктывы у прапанаваныя альгарытмы ці наогул структуру працы адпаведных службаў. Яшчэ адной пазытыўнай зьявай, якую нельга абысьці ўвагай, ёсьць спакойная рэакцыя грамадзтва і пэўная кансалідацыя ў медыйным полі. Прынамсі, ключавыя недзяржаўныя і дзяржаўныя СМІ выходзяць з падобнымі тэзамі, спрабуюць не дапусьціць разрастаньня алярмісцкіх настрояў. Гэта добра. Далей будзе ня лёгка, прынамсі маральна, але з выпрабаваньня можна выйсьці мацнейшым. Гэта тычыцца як дзяржавы, так і грамадзтва. Адным словам, запрашаю паглядзець відэа, дзе спрабую падрабязна спыніцца на ключавых пытаньнях, у тым ліку й на маршруце прылёту іранца і чаму не было моцнага дагляду на ягоным рэйсе. ======= Падтрымай канал падпіскаю на Патрэоне! https://www.patreon.com/join/ihar_Tyshkevich Яна дае магчымасьць разьвіваць пляцоўку, браць новыя тэмы, працаваць над апэратыўнасьцю выхаду і якасьцю ролікаў. дзякуй! ___________