У суботу ў Беларускім маладзёжным хабе ў Варшаве прайшоў семінар па фізічнай, фінансавай і лічбавай бяспецы, арганізаваны Алегам Аксёнавым. Падчас мерапрыемства было запланавана выступленне прадстаўніка Падліковай палаты Еўрапейскага саюза, аднак на экране з'явіліся загрыміраваны прапагандыст канала АНТ Ігар Тур і намеснік начальніка следчага ўпраўлення КДБ Канстанцін Бычак. Аказалася, што сам семінар быў праспансаваны Камітэтам дзяржбяспекі Беларусі. Гэтую і іншыя навіны абмяркуюць Фёдар Паўлючэнка і Аляксандр Атрошчанкаў у сваім праекце "Саша, што ты нясеш?!".