У 2021 годзе багата было размоваў пра міграцыю. З аднаго боку маем ад'езд часткі беларусаў за межы краіны. Працэс, які йдзе ня першы год, але сёлета, да звычайных плыняў дадаліся ручаіны палітычных уцёкаў. Зь іншага боку праз Беларусь да краінаў ЕС патрапіла досыць вялікая колькасьць выхадцаў з Блізкага Ўсходу. Пераважна Іракскіх курдаў. Таксама міграцыя. Але ёсьць яшчэ адна акалічнасьць. Бадай усе суседнія дзяржавы загаварылі пра дэмаграфію і працоўныя рэсурсы. Распрацоўваюць й рэалізуюць праграмы па прыцягненьню мігрантаў. Ня ўсіх - толькі патрэбных для ўласнае эканомікі. Беларусь засталася адной зь нешматлікіх дзяржаваў у рэгіёне без акрэсьленых прынцыпаў міграцыйнае палітыкі. Але ж, калі ты не маеш уласнага бачаньня, не маеш уласнае палітыкі то ты толькі рэсурс для суседзяў. Не гулец за палітычным сталом, не фігура на стале. Нават не шахматная дошка. Ты проста канапка, якую зжаруць гульцы, калі згаладнеюць. Вырашыў сёньня зрабіць тэматычны стрым, аб'яднаўшы яго з папаўненьнем цыклю ролікаў "праграма эгаіста". Паразважаю над тым, якая можа быць міграцыйная палітыка дзяржавы пад назвай Беларусь. Запрашаю. Падтрымаць канал можна падпіскаю на Патрэон: https://www.patreon.com/ihar_Tyshkevich