Лірык-відэа да песьні "Мне трэба ісьці" з альбома Psychasamatyka (2016), з часткі "Les". Кадры да відэа запісываліся на працягу 2017-2018 гг., мантаж і постпрадакшн - Мацей Сабураў. Lyrics: Мне трэба ісьці туды, дзе зіма, Туды, дзе трывога і змрок. Дзе лёг на зямлю атрутны туман, Дзе цяжка рабіць кожны крок. Мне трэба ісьці туды, дзе няма Упэўненасьці ў жыцці, Туды, дзе завея, вайна і турма, Але мне трэба ісьці. Рэфрэн: Са мной мой боль, са мной мая соль, Мой добры анёл, вярнуцца дазволь. Мне трэба ісьці ў фіялетавы змрок Насустрач няўмольнай бядзе. Туды, дзе лёс ня лічыць да трох, Дзе людзі ня любяць людзей. Мне трэба ісьці туды, дзе ільды, Туды, дзе губляеш сьляды, Дзе цёплы прамень не мільгане... Дачакайся мяне. Рэфрэн. Мне трэба ісьці туды, дзе заціх Апошні птушыны ўздых. Туды, дзе радасьць ня дзеляць ні з кім, А скруху дзеляць на ўсіх. Мне трэба ісьці ў роспач і страх, Мне трэба на самы край. І не абмінуць гэтай долі ніяк, Даруй і бывай. Рэфрэн. Стаўце 👍 і націскайце 🔔, каб не прапускаць новыя відэа. Кантактуйцеся са мной праз Facebook: https://www.facebook.com/LavonVolski Сачыце за навінамі ў Instagram : https://www.instagram.com/volski.official Па супрацы лістуйце на email: 📩 [email protected] Афіцыйны сайт: lavonvolski.com