Шмат людзей апошнім часам прасілі мяне выказацца з нагоды падзеяў, што адбываюцца вакол нас, і я вырашыў выказацца такім чынам. А рэалізаваць выказваньне мне дапамагалі мае адданыя сябры і паплечнікі: Павал Мамонаў - бубны, Павал Трыпуць - гітара, Міхал Марынічаў - бас. Песьня запісаная на студыі Everest (2020), міксінг і майстарынг выканаў Павал Сініла. Рэжысура і мантаж: Валеры Кандрац'еў Песьня прэзэнтуецца ў межах грамадзкай кампаніі "Годна". Падпісвайцеся на канал "Годна" і сачыце за праектамі ініцыятывы: https://www.youtube.com/channel/UC1M8OGVo7QOIx8fkGGVS-8A Тэкст песьні: Іржавая дзяржава Іржавая дзяржава Сваю атруту п'е. Ні жалем, ні пажарам Не ўратаваць яе. Карозія мэтала Пажэрла мэханізм. З усіх магчымых рухаў Дасяжны толькі ўніз. Рэфрэн: Пад ветрам задрыжала Іржавая дзяржава. Ёй дыхае ў сьпіну Сапраўдная краіна. Жрацы іржавай сэкты Па вушы ў хлусьні. Сабе не вераць самі, Каго зь іх не вазьмі. Яны чытаюць мантру: "Нідзе няма іржы!". Але ўсе ўсё бачаць - Кажы ці не кажы. Рэфрэн: Пад ветрам задрыжала Іржавая дзяржава. Ёй дыхае ў сьпіну Сапраўдная краіна. Іржавая дзяржава Скрыгоча і трашчыць. Палохае турмою, Застрашвальна крычыць. Шмат роспачы і болю, Няспраўджаных надзей. Але іржы ўсё болей, І скон усё бліжэй. Рэфрэн: Пад ветрам задрыжала Іржавая дзяржава. Ёй дыхае ў сьпіну Сапраўдная краіна. Пад ветрам задрыжала Іржавая дзяржава. Ёй дыхае ў сьпіну Сапраўдная краіна. Стаўце 👍 і націскайце 🔔, каб не прапускаць новыя відэа. Кантактуйцеся са мной праз Facebook: https://www.facebook.com/LavonVolski Сачыце за навінамі ў Instagram : https://www.instagram.com/volski.official Па супрацы лістуйце на email: 📩 [email protected] Афіцыйны сайт: lavonvolski.com