АНОНС. Радыё Свабода прэзэнтуе новую праграму — «Прадай бараду». Кожны тыдзень на нашым сайце Вас чакае новая гісторыя з жыцьця беларусаў у форме кароткі анімаваных баек. Сьпявак і мастак Андрусь Такінданг, які жыве ў Беларусі, але мае карані ў далёкім афрыканскім Чадзе, старанна занатоўвае гісторыі, робіць малюнкі, а Дзяніс Мяжуй — стварае на падставе гэтага анімацыю. Як кажа сам Такінданг, перадачу «Прадай бараду» робяць два чалавекі, але ўдзельнічае ў ёй уся Беларусь. Гісторыі адбываюцца розныя і з рознымі людзьмі. Напрыклад, будзе аповед пра роварнага барацьбіта ці гісторыі, якія я пачуў ад сваёй бабулі, як яны рабілі дыскатэкі ў 1939 годзе. Усё тое, што чапляе мяне, — распавядае Андрусь у інтэрвію Свабодзе.