Сёння незалежныя беларускія медыі аб’яднаюцца ў 12-гадзінным усебеларускім онлайн-марафоне салідарнасці “Нам не ўсё адно!”. Гэты марафон арганізаваны для збору грошай на дапамогу палітычным зняволеным і іх сям'ям. У марафоне прымуць удзел блогеры, палітыкі, дзеячы культуры і спорту, грамадскія актывісты і актывісткі. Трансляцыя будзе вясціся на шматлікіх незалежных YouTube-каналах з 10 ранку да 10 вечара па мінскім часе. Усе сабраныя грошы будуць размяркаваны паміж рознымі фондамі і ініцыятывамі, якія дапамагаюць палітзняволеным і іх родным. Кантраляваць размеркаванне грошай будзе назіральная рада, у склад якой ўвойдуць прадстаўнікі медыя-арганізатараў.