У Францыі працягваюцца беспарадкі пасля забойства 17-гадовага падлетка паліцыянтам. Беларускія прапагандысты абвінавачваюць французскіх сілавікоў у залішнім гвалце і параўноўваюць пратэсты ў Беларусі і Францыі, пры гэтым распаўсюджваючы ілжывую інфармацыю аб пратэстах у Беларусі. Яны не згадваюць, што ўлады Францыі асудзілі самавольства паліцыі і распачалі крымінальнае расследаванне пасля забойства падлетка, у той час як у Беларусі ні адна крымінальная справа не была ўзбуджаная па факце гібелі пратэстоўцаў, хаця вінаватыя былі ідэнтыфікаваныя.