Віктар Шалкевіч — беларускі бард, актор, паэт і шоўмэн. Піша беларускую опэру. Скончыў школу ў Поразаве, затым Беларускі дзяржаўны тэатральна-мастацкі інстытут у Менску. Працаваў у Гарадзенскім абласным драматычным тэатры, выкладчыкам у Гарадзенскай культасьветвучэльні, пазьней у тэатры лялек у Горадні. Яшчэ ў школе пачаў пісаць і выконваць песьні на беларускай мове. За частыя сустрэчы зь дзецьмі і папулярызацыю сярод іх ведаў аб тэатры» быў узнагароджаны міжнародным Ордэнам усьмешкі, кавалерамі якога зьяўляюцца Ян Павал II, Астрыд Ліндгрэн, Стывэн Сьпілбэрг. Тэксты песень Віктара Шалкевіча перакладзены на ангельскую, нямецкую, польскую, украінскую і чэскую мовы. У праекце «Кнігі бяз літар на Kamunikat.org» прачытаў сваю п’есу «Як загінуў песьняр, або сьмерць Iвана Дамiнiкавiча Луцэвiча». Кнігі Віктара Шалкевіча гладзіце тут https://kamunikat.org/Szalkievicz_Viktar.html