Адвечная тэма барацьбы Святла і Цемры у рамане “Праклён” набывае канкрэтныя рысы. Гэтае змаганне ніколі не спынялася, гісторыя яго роўная гісторыі чалавецтва. Выбар, па якім мы аказваемся на тым ці іншым баку, аднойчы рабіць кожнаму з нас, што напаткае і галоўных герояў рамана. Містычнае ў рамане “Праклён” не проста пераплецена з рэальнасцю, але становіцца самастойная часткай, без якой не можа існаваць цэласнасць жыцця. Старажытныя артэфакты раскрываюць у рамане сваю ролю, Папараць-кветка і камяні-валуны набываюць не вядомыя раней большасці з нас уласцівасці і ўпісаны ў адзіную сістэму для рэалізацыі галоўнай дзеі – агульнай Малітвы пакаяння, без якой беларускаму народу не здолець адрадзіцца…