Памежная трылогія, якая ўбачыла свет у перыяд з 2019 па 2021 гг. расказвае пра розныя этапы функцыянавання даваеннай савецка-польскай мяжы. Першай ў 2019 годзе свет убачыла кніга "Верасень 1939-га. Магілы "неаб'яўленай" вайны". Яна расказвае пра баі Чырвонай Арміі супраць Войска Польскага пачынаючы з лініі мяжы і да Горадні і Палесся. Чытач знаёміцца з месцамі пахаванняў савецкіх і польскіх жаўнераў на тэрыторыі Беларусі. У 2020 годзе ўбачыла свет кніга "На "мяжы цывілізацый". Старонкі гісторыі даваеннага савецка-польскага кардона ў Беларусі", якая была прысвечана розным аспектам функцыянавання савецка-польскай мяжы ў міжваенны час. Нарэшце, да 80-й гадавіны з моманту нападу Германіі на СССР ўбачыла свет кніга "Чэрвень 1941-га. Спыніць на "старой" мяжы", якая расказвае пра тое, як Чырвоная Армія спрабавала стрымаць нацыстаў на даваенным кардоне. Кнігі багата ілюстраваныя архіўнымі фотаздымкамі і мапамі і ўяўляюць з сябе сапраўдныя альбомы.