Такога прэзентацыйнага тура яшчэ не ведала беларуская літаратура. І не толькі за межамі Беларусі, але і ў самой Беларусі. Каб за 10 дзён наведаць 9 гарадоў і правесці 10 прэзентацый найноўшага рамана Уладзіміра Някляева «Гэй Бэн Гіном» – кожны дзень па прэзентацыі. Сустрэчы з чытачамі, а гэта былі пераважна палітычныя эмігранты з Беларусі, адбыліся ў Кракаве, Вроцлаве, Познані, Гданьску, Варшаве, Лодзі, Беластоку, Бельску-Падляшскім і Вільні. У размове Алеся Аркуша з Уладзімірам Някляевым падводзяцца вынікі прэзентацыйнага тура і разглядаюцца асаблівасці рамана «Гэй Бэн Гіном», які сёлета ў Польшчы выдаў Фонд Kamunikat.org