У Варшаве адбылася імпрэза «Яднайся!», якую арганізавалі Офіс Святланы Ціханоўскай, Аб'яднаны Пераходны Кабінет, Каардынацыйная рада і Беларускі Моладзевы Хаб. Мэтай імпрэзы было стварэнне супольнасці беларусаў і беларусак, якія знаходзяцца ў розных краінах свету. Тут людзі маглі пазнаёміцца, падзяліцца сваімі ідэямі, даведацца пра праекты і ініцыятывы, паслухаць беларускую музыку і падзяліцца сваёй энергіяй, надзеёй ці болем. Арганізатары абяцаюць, што такія імпрэзы будуць праводзіцца і ў будучыні.