У гасцях падкасту "Так склалася гістарычна" кандыдат гістарычных навук, дацэнт, экскурсавод і старшыня РГА "Беларускае таварыства экскурсаводаў і гідаў-перакладчыкаў" Сяргей Бусько абмяркоўвае гісторыю фізічнай культуры і спорта на Беларусі ў XIX - пач. XX стст. У выпуску будзе адказана на пытанні, як звязаныя заняткі спортам і мадэрнізацыя грамадства, як і калі пачалі займацца спортам як адмысловым відам заняткаў на Беларусі, як распаўсюджвала спорт армія і школа, дзе ў Беларусі ўпершыню сталі гуляць у футбол, кракет і дзе адкрылі першы яхт-клуб. Падкаст створаны пры падтрымцы анлайн-гіпермаркету 21vek.by.