*** Падтрымаць кантэнт на роднай мове тут: https://www.patreon.com/aliakhnovich ___ Пра відэа На шчасце камары ў беларусаў збольшага выклікаюць толькі пачуццё дыскамфорта. Пазвіняць пад вухам, колькі раз уджгнуць, пасвярбіць ды пройдзе. У нас можна адшукаць некалькі відаў малярыйных камароў, але самі па сабе яны не з’яўляюцца узбуджальнікамі малярыі. Ім трэба напіцца крыві хворага чалавека, каб стаць небяспечнымі. Але чым бліжэй да тропікаў, тым больш сур’ёзную пагрозу нясуць гэтыя дробныя шалёныя казуркі. ЗША гатовыя выпусціць на волю яшчэ 2 мільярды і 400 мільёнаў генна-мадыфікаваных камароў. Чаму «яшчэ»? Бо ў мінулым годзе нядоўгі водар свабоды адчулі прыкладна 750 мільёнаў такіх камароў. Гучыць як сюжэт чарговага эпізоду «Чорнага люстэрка». Навошта гэта навукоўцам? Ці бяспечна гэта? Вынікі першага выпрабавання арміі трансгенных казуркаў апублікавалі колькі дзён таму. Ёсць цікавосткі, але не меньш і новых пытанняў.