*** Падтрымаць кантэнт на роднай мове тут: https://www.patreon.com/aliakhnovich ___ Ëсць такая кантора Relativity Space, спецыялісты па 3D-друку. Яны хочуць вырабляць ракеты цягам двух месяцаў. У іх ракеце Terran 1 (33,5 м у вышыню) каля 85% массы надрукавана на 3D-прынтары. Не хатнім, зразумела. Дык вось 23 сакавіка RS здзейсніла першы часткова паспяховы палёт сваёй ракеты Terran 1. Terran 1 узляцела з LC-16, стартавай пляцоўкі на аб'екце касмічных сіл ЗША на мысе Канаверал, штат Фларыда, і ляцела каля трох хвілін. Паспела дасягнуць ключавой мэты - перасягнула кропку Max Q, кропку максімальнага атмасфернага супраціўлення. Але потым рухавік на другой ступені пачаў пырскаць і заглох. Але ў канторы не сумуюць. Міссія ж усё-такі насіла назву “Good Luck, Have Fun”, частковых мэтаў дасягнула, можна рухацца далей. Чакаецца, што кошт аднаго запуску Terran 1 будзе складаць $12 млн, а яна зможа пуляць на нізкую-каляземную арбіту спадарожнікі агульнай вагой да 1250 кг. Falcon 9 Ілана Маска можа туды ж падняць 17 400 кг агульнай карыснай нагрузкі.