2017-ты – год 500-годдзя беларускага кнігадрукавання. Пачаткам кнігадрукавання на Беларусі лічыцца 1517 год, калі наш славуты зямляк, асветнік і гуманіст Францыск Скарына надрукаваў у Празе першую беларускую кнігу "Псалтыр". У верасні бягучага года, на радзіме Скарыны ў Полацку пройдзе Дзень беларускага пісьменства. А ўжо сёння ў нас ёсць добрая нагода сустрэцца з Раманам Матульскім і даведацца пра знакавыя мерапрыемствы “скарынаўскага” года, што пройдуць менавіта ў Нацыянальнай бібліятэке Беларусі.