Купалінка (музыка Уладзіміра Тэраўскага, словы Міхася Чарота) Гэтую песню нездарма лічаць візітоўкай нашай краіны. “Купалінку” ведаюць і спяваюць на ўсіх кантынентах. Кампазіцыя лічыцца народнай, аднак гэта не зусім так. Упершыню “Купалінка” прагучала ў 1921 годзе ў спектаклі “На Купалле”. Ён быў пастаўлены па п’есе Міхася Чарота, а музыку да спектакля стварыў кампазітар Уладзімір Тэраўскі.