Ой, што гэта за сасна, Што без кораня расла, Гэй, гэй, гэй да люлі, Што без кораня расла? Была ў бацька адна доч, Па садочку хадзіла, Па садочку хадзіла, Два малойцы любіла. Два малойцы любіла, Два сыночкі радзіла, Два сыночкі радзіла: І Міколу, й Васіля. Гэй, гэй, люлі, Гэй, гэй, люлі, Гэй, гэй, люлі, Гэй, гэй, люлі. І Міколу, й Васіля У пялёначкі спавіла, У пялёначкі спавіла, У чысты Дунай пусціла. На дваццатым на гаду Пайшла ўдова па ваду. Стала ўдова воду браць, Стаў карабель падплываць. Гэй, гэй, люлі, Гэй, гэй, люлі, Гэй, гэй, люлі, Гэй, гэй, люлі. Як на гэтым караблі Два прыгожых малайцы. Адзін стаіць на насу, Чэша русую касу. А другі сядзіць, маўчыць Да ўсё на ўдаву глядзіць. За аднаго сама пайду, За другога – доч радну. Шчэ й на свеце не чуваць, Каб за сына родна маць. Стала плакаць ды ўздыхаць, Сваю долю праклінаць. Гэй, гэй, люлі, Гэй, гэй, люлі, Гэй, гэй, люлі, Гэй, гэй, люлі. Народная песня з вёскі Закальное Любанскага раёна Мінскай вобласці. Сучасная апрацоўка Сяргея Сухамліна. Сайт тэлеканала "Беларусь 3": http://3belarus.by/ Наша старонка ў ФБ: https://www.facebook.com/tvbelarus3 Наша старонка ў ОК: https://ok.ru/tvbelarus3 Наш Instagram: https://www.instagram.com/tvbelarus3/ #нацыянальныхітпарад #100песеньдлябеларусі #беларусь3